Супер ярим ўрта вазн тоифасида WBA камари соҳиби Исроил Мадримов 3 август куни Теренс Кроуфордга қарши жанг қилади.
Теренс Кроуфорд Мадримовга қарши жанг олдидан “Канело”га қарши рингга кўтарилиш ҳақида муҳокама қилмаслигини айтиб ўтди.
“Бутун хаёлим ҳозир 3 август ва Исроил Мадримовга қарши жангга қаратилган. “Канело” ёки бошқа бирор боксчига қарши ҳақида ўйламаяпман.
3 август — мен ўйлаётган ягона нарса”, — дейди Кроуфорд.
Аввалроқ Теренс Кроуфорд Сауль “Канело” Алваресга қарши жанг қилиши мумкинлиги ҳақида хабарлар чиққан эди.
Исроил ва Теренс ўртасидаги жанг Америка Қўшма Штатларининг Лос-Анжелес шаҳрида 3 август куни бўлиб ўтади. Исроил ва Теренс ўртасидаги қарама-қаршилик биринчи ўрта вазн тоифасидаги WBA камари учун кечади.
Теренс Кроуфорд профессионал рингда ўтказган 40 та жангининг барчасида ғалаба қозонган. Ғалабаларининг 31 тасига нокаут орқали эришган.
Мадримов эса 8 март оқшомида Саудия Арабистонининг Ар-Риёд шаҳрида россиялик Магомед Курбановни 5-раундда нокаутга учратиб, WBA камарини қўлга киритганди.
Изоҳ (0)