Terens Krouford: Saul Alvares? Hozir faqat Madrimovga qarshi jang haqida o‘ylayapman

Super yarim o‘rta vazn toifasida WBA kamari sohibi Isroil Madrimov 3-avgust kuni Terens Kroufordga qarshi jang qiladi.

Terens Krouford Madrimovga qarshi jang oldidan “Kanelo”ga qarshi ringga ko‘tarilish haqida muhokama qilmasligini aytib o‘tdi.

“Butun xayolim hozir 3-avgust va Isroil Madrimovga qarshi jangga qaratilgan. “Kanelo” yoki boshqa biror bokschiga qarshi haqida o‘ylamayapman.

3-avgust — men o‘ylayotgan yagona narsa”, — deydi Krouford.

Avvalroq Terens Krouford Saul “Kanelo” Alvaresga qarshi jang qilishi mumkinligi haqida xabarlar chiqqan edi.

Isroil va Terens o‘rtasidagi jang Amerika Qo‘shma Shtatlarining Los-Anjeles shahrida 3-avgust kuni bo‘lib o‘tadi. Isroil va Terens o‘rtasidagi qarama-qarshilik birinchi o‘rta vazn toifasidagi WBA kamari uchun kechadi.

Terens Krouford professional ringda o‘tkazgan 40 ta jangining barchasida g‘alaba qozongan. G‘alabalarining 31 tasiga nokaut orqali erishgan.

Madrimov esa 8-mart oqshomida Saudiya Arabistonining Ar-Riyod shahrida rossiyalik Magomed Kurbanovni 5-raundda nokautga uchratib, WBA kamarini qo‘lga kiritgandi.