Россия президентининг Афғонистон бўйича махсус вакили Замир Кабулов “Толибон” террорчи эмас, балки пуштун диний урф-одатларининг тарғиботчилари эканини маълум қилди. Бу ҳақда Россия вакилининг сўзларидан иқтибос келтириб, Ааmaj Nеws нашри хабар берди.
Кабуловга кўра, “Толибон” жорий қилган айрим чекловлар асло терроризм ва диний экстремизм тақиқлари сифатида қабул қилинмаслиги керак. “Толибон” асосини пуштун раҳбарлари ташкил этади ва улар ўз синфининг диний урф-одатларини жорий этиш учун ҳаракат қилмоқда.
Россия расмийси хорижий ҳукуматларнинг “Толибон” ички ишларига аралашувини ҳам қоралаган. Ҳаракат юқори салоҳиятга эгалиги ва мамлакатни идора қила олишини таъкидлаган.
“Биз Толибонга ўз давлатини қандай бошқариши кераклиги ҳақида маъруза ўқимаслигимиз керак”, — деган Замир Кабулов Tribune нашрига берган интервьюсида.
Махсус вакилга кўра, “Толибон” бугун Афғонистондаги реалликка айланиб, бўлган ва ундан юз буриш мумкин эмас. Россия президенти ҳам Кобул билан алоқаларини шу тамойил асосда қайта ташкил этишни буюрган.
“Толибон”нинг ҳокимиятга қайтишини Россия расмийлари саккиз йил олдин тахмин қилганини даъво қилган Кабулов Москва Афғонистонда коалицион ҳукумат тузилишини қўллаб-қувватлаётганини билдирган. Бироқ Ашраф Ғани ҳокимияти ағдарилиши ортидан бу режалар муваффақиятсизликка қараб кетмоқда.
- Маълумот ўрнида, “Толибон” ҳозирчалик Россиянинг террорчи гуруҳлар рўйхатига киритилган.
- Кремль расмийлари Афғонистондаги устун ҳокимиятни бу рўйхатдан чиқариш режалаштирилаётганини билдирган.
Изоҳ (0)