Тошкент вилояти Бекобод туманида қарздорлик эвазига Monza хатланди, деб хабар бермоқда МИБ ахборот хизмати “Дарё”га.
Маълум қилинишича, бюронинг Бекобод туман бўлими иш юритувида фуқаролик ишлари бўйича Мирзо Улуғбек туманлараро судининг ижро варақасига асосан қарздор М.Абдуллаевадан, ундирувчи банк фойдасига 238 миллион 920 минг сўм кредит қарздорлик ҳамда ундирувни гаров мулкига қаратиш тўғрисидаги ижро ҳужжати мавжуд.
Бўлим давлат ижрочилари олиб борган ижро ҳаракатлари натижасида қарздорга тегишли бўлган Monza автотранспорт воситаси хатланиб, жарима майдончасига қўйилди.
Изоҳ (0)