Бразилиялик афсонавий футболчи Роналдо ҳозирги футбол зерикарли бўлгани учун теннис томоша қилишни афзал кўраётганини айтиб ўтди.
“Бугун мен теннисни футболдан кўра кўпроқ яхши кўраман. Ҳа, бу ақлга сиғмайди. Лекин футбол кўра олмаяпман — жуда зерикарли. Аммо беш соат теннис томоша қилишим мумкин.
Ҳафтада 3 марта машғулотларда иштирок этяпман. Кундан кунга ўйиним яхшиланиб боряпти”, — дейди собиқ футболчи.
Роналдо 1993 йилдан 2011 йилга қадар фаолият олиб борган. Шу вақт ичида “Крузейро”, “ПСВ”, “Барселона”, “Интер”, “Реал”, “Милан” ва “Коринтианс” каби жамоалар сафида тўп сурган.
Изоҳ (0)