AQSH Markaziy razvedka boshqarmasi Isroilni Eron yaqin sutkada mamlakatga hujum qilishi mumkinligi haqida xabardor qildi. Bu haqda Voxnews xabar berdi.
Eronning o‘nlab yuqori martabali amaldorlari va generallarining o‘limiga sabab bo‘lgan Suriyadagi Eron konsulligining yo‘q qilinishi mintaqada katta urushga sabab bo‘lish xavfi bor. Bu haqda Yaqin Sharqdagi baʼzi OAV xabar bermoqda, Amerika Markaziy razvedka boshqarmasi Isroilni 48 soat ichida Erondan harbiy javob kutish bo‘yicha ogohlantirgan, — deyiladi materialda.
Al Mayadeen nashriga ko‘ra, Eron Isroildagi strategik nuqtalarga o‘z bazalaridan dronlar va raketalar “yomg‘iri” bilan birgalikda hujum uyushtirishni rejalashtirmoqda.
The Times of Israel gazetasining yozishicha, Isroil mudofaa kuchlari Eronning Suriyadagi missiyasiga berilgan zarba uchun javob qaytarilishidan qo‘rqib, havo hujumidan mudofaa qo‘shinlari zaxiralarini chaqirgan.
Bu harakat Eronning Isroil tomonidan Suriyadagi Islom inqilobi qo‘riqchilari korpusining yuqori mansabdor shaxsi Muhammad Rizo Zohidiy, uning o‘rinbosari, korpusning yana besh zobiti va kamida bitta “Hizbulloh” a’zosi o‘ldirilishi ehtimoliga javob berish tahdidi ortidan amalga oshiriladi, — deyiladi postda.
Isroil Suriyadagi zarbaga Eronning ehtimoliy javobi bo‘yicha yuqori shay holatda ekani ma’lum qilindi.
Isroilning Eron konsulligiga hujumi