Isroil armiyasi Eron hujumi fonida mudofaa yo'riqnomalarini o'zgartirdi. Unga ko‘ra, Isroilda mingdan ortiq odamning bi yerga to‘planishi va ta’lim bilan bog‘liq tadbirlar o‘tkazish taqiqlandi. Bu haqida Isroil qo'mondoni Rafi Milo xabar qildi.
"Siz ushbu ko'rsatmalarga qat'iy rioya qilishda davom etishingiz kerak. Ular vaziyatni baholashga qarab o‘zgarishi mumkin”, — deyiladi Miloning bayonotida.
Eron avvalroq Isroil tomon yuzlab dronlar va o‘nlab raketalar uchirgani haqida e’lon qilgan edi. Isroil armiyasi ularni Suriya va Iordaniya hududi ustida urib tushirishga harakat qilgan. Mazkur hujumlar oqibatida dunyoning bir qator aviakompaniyalari Iroq, Isroil va Iordaniya havo hududidan foydalanishni to‘xtatdi.
Eronning hujumi Isroilning Damashqdagi Eron elchixonasi majmuasi joylashgan diplomatik kvartalga uyushtirgan zarbasiga javob bo‘ldi. 1-aprel kuni uyushtirilgan hujumda eronlik ikki general va besh zobit halok bo'lgandi.
Izoh (0)