Бирлашган Миллатлар Ташкилотининг гуманитар ёрдамни мувофиқлаштириш бошқармаси (OCHA) Испания ҳукумати томонидан Афғонистон гуманитар жамғармасига бир миллион евро ажратилишини маълум қилди. Бу ҳақда Afghanistan International нашри хабар берди.
Хабарда айтилишича, Испания ёрдами ҳақида 25 март куни хабар қилинган. Пакет қачон етказиб берилиши маълум эмас.
Афғонистонда бугунги кунда 23 миллиондан ортиқ одам гуманитар ёрдамга муҳтож. Маҳаллий гуманитар ёрдам ташкилотлари аҳоли эҳтиёжларини қондириш учун халқаро ташкилотлардан уч миллиард доллар сўраган эди.
Бугунги кунда Афғонистонда ёрдамга муҳтож аҳолининг асосий қисми мамлакат маркази ва жанубий ҳудудларида истиқомат қилмоқда. Пойтахт Кобул ва жанубий Балужистон ўлкаси ёрдамга муҳтожлар сони бўйича энг салбий кўрсаткичга эга. Бу ҳудудларда сув ресурслари етишмаслиги ва қийин релеф иқтисодий қийинчиликларни енгиб чиқишга қаршилик қилмоқда.
Изоҳ (0)