Суперлига. “Бунёдкор” “Навбаҳор”га қарши ўйинда сўнгги дақиқалардаги гол эвазига мағлубиятдан қутулиб қолди, “ОКМК” “Динамо” устидан ишончли ғалабага эришди

Футбол бўйича Ўзбекистон Суперлигасининг 3-туридан ўрин олган икки ўйин 17 март, якшанба куни бўлиб ўтди.

“Навбаҳор” сафарда “Бунёдкор” меҳмони бўлди. Учрашувнинг биринчи бўлимида жамоалар эҳтиёткор ўйин намойиш этди ва ҳисоб очилмади.

Иккинчи бўлимда эса мухлислар голлар гувоҳига айланди. Дастлаб, 60-дақиқада Тома Табатадзе ҳисобни очган бўлса, орадан 5 дақиқа ўтиб, мезбонлар футболчиси Миржаҳон Мираҳмадов тезкор жавоб голини уришга муваффақ бўлди. 73-дақиқада Табатадзе пенальтидан унумли фойдаланиб, наманганликларни ҳисобда олдинга олиб чиқди. Ўйин сўнгида эса “қалдирғочлар” футболчиси Миржаҳон Мираҳмадов дарвозани ишғол қилди. Шу тариқа учрашув 2:2 ҳисобида дуранг натижа билан якунланди.

“ОКМК” эса “Динамо”ни қабул қилди ва 3:1 ҳисобида зафар қучди. Олмалиқликлар сафида Милян Шкрбич, Сардор Раҳмонов ва Нодирбек Абдураззоқовлар гол муаллифига айланган бўлса, Самарқанд жамоаси аъзоси Жоэл Кожо ўз номини таблога ёздириб қўйди. 

3-тур якунидан сўнг турнир жадвали қуйидагича кўриниш олди:

Суперлига

3-тур

17 март, якшанба

“Бунёдкор” – “Навбаҳор” 2:2

Голлар: 0:1 — 60 Табатадзе, 1:1 — 65 Мираҳмадов, 1:2 — 73 Табатадзе (пенальти), 2:2 — 90+7 Мираҳмадов.

“Бунёдкор”: 71. Сарвар Каримов, 3. Маҳмуджон Маҳамаджонов, 7. Суҳроб Иззатов, 10. Расул Йўлдошев (8. Фране Чиряк, 55), 11. Темурхўжа Абдухолиқов (9. Умидбек Султонов, 59), 17. Оллаберган Каримов (47. Рустамхон Азимов, 88), 19. Билол Туплиев (92. Тони Йович, 88), 45. Фарҳод Ўткиров (14. Миржаҳон Мираҳмадов, 59), 57. Амир Тўрақулов, 66. Азизбек Тўлқунбеков, 77. Музаффар Олимжонов.

“Навбаҳор”: 1. Ўткир Юсупов, 6. Иброҳим Йўлдошев, 9. Одилжон Ҳамробеков, 10. Жамшид Искандеров, 11. Асадбек Собижонов (17. Русланбек Жиянов, 46), 13. Филип Иванович, 14. Жамшид Болтабоев, 22. Тома Табатадзе, 23. Йован Жокич, 34. Фарруҳ Сайфиев, 77. Аброрбек Исмоилов.

Огоҳлантиришлар: Аброрбек Исмоилов (32), Фарҳод Ўткиров (55), Музаффар Олимжонов (77).

“ОКМК” – “Динамо” 3:1

Голлар: 1:0 — 12 Милян Шкрбич, 1:1 — 63 Жоэл Кожо, 2:1 — 65 Сардор Раҳмонов, 3:1 — 86 Нодирбек Абдураззоқов.

“ОКМК”: 35. Жавоҳир Илёсов, 2. Акрамжон Комилов, 3. Сардор Раҳмонов, 4. Миржамол Қосимов (5. Гиорги Папава, 85), 6. Авазбек Ўлмасалиев (77. Нодирбек Абдураззоқов, 70), 7. Дилшодбек Аҳмадалиев, 10. Хуршид Ғиёсов, 15. Ойбек Рустамов, 20. Ислом Тўхтахўжаев, 28. Арихиро Сентоку, 95. Милян Шкрбич (18. Азиз Холмуродов, 70).

“Динамо”: 13. Равшанбек Ягудин, 3. Улуғбек Абдуллаев, 4. Одилбек Абдумажидов, 9. Ҳумоюнмирзо Иминов (18. Дилшод Раҳматуллаев, 68), 10. Жоэл Кожо (23. Фарруҳ Икромов, 68), 17. Салим Мустафоев, 20. Журани Франсиско Феррейра, 21. Анваржон Хожимирзаев, 22. Санжар Шоаҳмедов (14. Баҳодир Насимов, 87), 44. Душан Мийич, 58. Ҳусниддин Ғофуров (8. Ҳислат Ҳалилов, 54).

Огоҳлантиришлар: Анваржон Ҳожимирзаэв 18, Ҳусниддин Ғофуров 38, Душан Мийич 79,