“Ҳар бир ўйинда ҳакамлар менга карточка кўрсатмоқда”. Винисиус Жуниор ўйин вақти камералар қаршисига бориб, ўз норозилигини билдирди

Футбол бўйича Испания Ла Лигасининг 29-турида “Реал” “Осасуна” устидан 4:2 ҳисобида ғалаба қозонди.

Учрашувда дубль муаллифига айланган мадридликлар футболчиси Винисиус Жуниор мавсумдаги 5-сарид карточкани олди ва автоматик равишда битта ўйинга четлатилди.

44-дақиқада Вини кетма-кет 4-ўйинида 4-сариқ карточкасини олди.

Биринчи бўлим якунланганини билдирувчи ҳакам ҳуштагидан сўнг бразилиялик футболчи камера қаршисига бориб: “Ҳар бир ўйинда ҳакамлар менга карточка кўрсатмоқда, ҳар бир ўйинда!”, — дея гапирган.

Жамоадоши Браим Диас эса Винисиусни четроққа олиб, қаршилик билдириш керак эмаслигини тушунтирган.

“Қаймоқранглилар” Испания чемпионатида ортда қолган 29 турдан сўнг 72 очко билан пешқадамлик қилмоқда.