Ўзбекистоннинг Буюк Британиядаги элчиси Равшан Усманов NEU Professionals rekruting компанияси директори Эдита Озбек билан онлайн тарзда учрашди. Бу ҳақда “Дунё” АА хабар берди.
Учрашувда Эдита Озбек миграция соҳасида ҳамкорликни йўлга қўйишдан мамнун эканлигини билдириб, мамлакатимиздаги тиббиёт ходимларини Британияда иш билан таъминлашга тайёрлигини айтиб ўтган. Шунингдек, юртдошларимиз учун мутахассислик даражасида инглиз тили курсларини ташкил этиш таъкидланган.
Музокаралар натижасида мамлакатимизнинг соҳавий вазирлик ва идоралари билан манзилли музокаралар ташкил этиш учун мазкур рекрутинг агентлиги ҳамда Қироллик ҳамширалик коллежи (Royal College of Nursing), Ковентри университети (Coventry University), Мутахассис тил курслари (Specialист Language Course), виза ва иммиграция вакилларидан иборат делегацияни 20-23 апрель кунлари Ўзбекистонга юбориш бўйича келишувга эришилган.
NEU Professionals 2013 йилда ташкил топган бўлиб, хориждан Англия ва Уэлс бўйлаб кадрларни етказиб бериш билан шуғулланади.
Изоҳ (0)