O‘zbekistonning Buyuk Britaniyadagi elchisi Ravshan Usmanov NEU Professionals rekruting kompaniyasi direktori Edita Ozbek bilan onlayn tarzda uchrashdi. Bu haqda “Dunyo” AA xabar berdi.
Uchrashuvda Edita Ozbek migratsiya sohasida hamkorlikni yo‘lga qo‘yishdan mamnun ekanligini bildirib, mamlakatimizdagi tibbiyot xodimlarini Britaniyada ish bilan taʼminlashga tayyorligini aytib o‘tgan. Shuningdek, yurtdoshlarimiz uchun mutaxassislik darajasida ingliz tili kurslarini tashkil etish taʼkidlangan.
Muzokaralar natijasida mamlakatimizning sohaviy vazirlik va idoralari bilan manzilli muzokaralar tashkil etish uchun mazkur rekruting agentligi hamda Qirollik hamshiralik kolleji (Royal College of Nursing), Koventri universiteti (Coventry University), Mutaxassis til kurslari (Specialist Language Course), viza va immigratsiya vakillaridan iborat delegatsiyani 20-23-aprel kunlari O‘zbekistonga yuborish bo‘yicha kelishuvga erishilgan.
NEU Professionals 2013-yilda tashkil topgan bo‘lib, xorijdan Angliya va Uels bo‘ylab kadrlarni yetkazib berish bilan shug‘ullanadi.
Izoh (0)