Муқаддас рамазон ойида рўзадорлар ифторлик ва саҳарликка таом буюртма қилишлари учун Uzum Tezkor сервиси тун-у кун ишлайди.
Таомлар қачон дастурхонга тортилишини аниқ ҳисоблаш осон бўлиши учун илованинг асосий экранида оғиз ёпиш ва очиш вақтлари кўрсатиб туриладиган бўлим пайдо бўлди. Белгиланган вақтлар ҳар куни бир ой давомида ўзгариб боради.
Рамазон — кўпчилик юртдошларимиз рўза тутадиган пайт. Аммо ҳаёт тўхтаб қолмайди — ўзбекистонликлар фаол меҳнат қилишни, ўқишни, уй юмушларини бажаришни давом этадилар, фойдаланувчиларимиз толиқиб қолмасликларига ёрдам бериш мақсадида уларни овқат пишириш ва идишларни ювиш юмушларидан халос этиш учун Uzum Tezkor сервисини тун-у кун ишлайдиган режимга ўтказдик. Ифтор дастурхонида оилалар ва катта давралар йиғилганлиги сабаб биз ҳамкор ресторанларимиз билан биргаликда турли хил таъмдаги ифтор-сетларини тайёрладик. Шунда рўза вақти ҳар оқшом дастурхондаги таомлар турлича бўлиши мумкин, шу билан бирга, етказиб бериш тезлиги ва сервис сифати ўзгаришсиз қолади, — дейди Uzum Tezkor маркетинг-коммуникациялари бўйича менежери Диёр Насриддинов.
Ифтор-сетларни 11 мартдан 10 апрелгача буюртма қилиш мумкин. Акцияда 30 дан ортиқ овқатланиш жойлари иштирок этишмоқда, улар орасида EVOS, KFC, Оқтепа Лаваш, Ош Маркази ва бошқалар мавжуд. Одатда, ифтор-сетларнинг аксарияти таркибига оғиз очиш анъанасига мос тарзда асосий таом, салат, сув ва хурмо киради.
Бундай тўпламларнинг хилма-хиллиги туфайли фойдаланувчилар ўзлари ёки катта давралар учун мос кечки овқат вариантини топишлари мумкин, ҳамкорларимиз томонидан тақдим этилаётган чегирмалар ва яширин тўловларнинг йўқлиги бюджетни тежашга ёрдам беради.
Шериклик ҳуқуқи асосида.
Изоҳ (0)