Rolls-Royce компанияси ҳозирда дунёдаги энг қиммат автомобиль ҳисобланган янги Arcadia Droptail кабриолетини тақдим этди. Бу ҳақда Hypebeast хабар берди.
Машина сингапурлик мижознинг буюртмаси билан яратилган. У 600 от кучига эга 6,75 литрли V12 твин-турбо двигатель билан жиҳозланган. Кабриолетнинг ички қисми қимматбаҳо чарм ва ёғоч билан безатилган. Уни яратиш учун Rolls-Royce ходимлари саккиз минг соатдан ортиқ вақт сарфлаган.
Бундан ташқари, ишчилар асбоблар панелидаги соатни ишлаб чиқиш учун беш йил, уни йиғиш учун эса беш ойдан кўпроқ вақт сарфлаган. Rolls-Royce Arcadia Droptail корпуси ўзига хос оқ эмал билан бўялган бўлиб, таркибидаги алюминий ва шиша зарралари қуёшда кузовни ялтиратиб туради. Машинанинг нархи 30 миллион долларни ташкил этди.
-l4MgzWxK.jpg)
Изоҳ (0)