Самарқанд вилояти Экология бошқармаси давлат инспекторлари томонидан 2024 йилнинг февраль ойида вилоятнинг шаҳар ва туманларида ўтказилган экологик назорат тадбирлари давомида қум-шағал ва тупроқ аралашмаларини ноқонуний қазиб олиш билан боғлиқ 52 та ҳолат аниқланган. Бу ҳақда Эковазирлик матбуот хизмати хабар берди.
Хабарга кўра, Иштихон туманида 7 та, Оқдарё туманида 4 та, Жомбой туманида 1 та, Нарпай туманида 1 та, Каттақўрғон туманида 1 та, Қўшработ туманида 19 та, Пайариқ туманида 7 та, Самарқанд туманида – 1, Нуробод туманида – 3, Ургут туманида – 1, Тойлоқ туманида – 3, Самарқанд шаҳрида – 4 та ҳуқуқбузарлик содир этилган.
Аниқланган ҳолатлар юзасидан барча ҳуқуқбузарларга нисбатан Маъмурий жавобгарлик тўғрисидаги кодексининг 70-моддаси 1-қисми 1-бандига (дарёларнинг ўзанларини тозалашга ва қирғоқларини мустаҳкамлашга доир ишларни амалга ошириш тартибини бузиш) асосан маъмурий баённома тузилган.
Жарималарнинг умумий суммаси 330 млн 480 минг сўмни ташкил этган.
Изоҳ (0)