Қашқадарёда Аи-80 маркали бензин ёнилғисини қўлда қиммат нархда сотиш ҳолатлари аниқланди, деб хабар беради Бош прокуратура ҳузуридаги департамент.
Қайд этилишича, департаментнинг Қарши шаҳар, Косон, Касби, Чироқчи ва Кўкдала тумани бўлимлари томонидан ФВБ ва солиқ идоралари ходимлари билан ҳамкорликда тезкор тадбирлар ўтказилган. Тадбирлар давомида олти нафар фуқаро ёнғин хавфсизлиги қоидаларини бузган ҳолда ноқонуний даромад орттириш мақсадида қиммат нархларда Аи-80 маркали бензин ёнилғисини чакана сотиш билан шуғулланиб келаётгани аниқланиб, улардан жами 624 литр бензин ёнилғиси ашёвий далил сифатида олинган.
Шунингдек, департаментнинг Бекобод, Бўка, Бўстонлиқ, Оққўрғон, Паркент, Чиноз ва Янгийўл тумани бўлимлари томонидан ИИБ ва солиқ идоралари ходимлари билан ҳамкорликда ўтказилган тезкор тадбирларда етти нафар фуқаро ноқонуний даромад орттириш мақсадида яшаш хонадонларида “Аи-80” маркали бензин ёқилғисини чакана сотиш билан шуғулланиб келаётгани аниқланиб, улардан жами 721 литр бензин ашёвий далил сифатида олинган.
Мазкур ҳолатлар юзасидан Маъмурий жавобгарлик тўғрисидаги кодекснинг тегишли моддалари билан қонуний чоралар кўрилмоқда.
Январь охирларида Шавкат Мирзиёев бош вазир Абдулла Ариповга 2025 йилдан Аи-80 маркали бензиндан воз кечиш масаласини узил-кесил ҳал қилиш бўйича топшириқ берганди.
Изоҳ (0)