Туркия республикаси президенти ҳузуридаги Коммуникациялар бошқармаси Ўзбекистонда фаолият юритувчи ОАВ вакиллари учун Туркияга пресс-тур уюштирди. Сафар давомида журналистлар Малатя вилоятида ҳам бўлиб, контейнер уйларда яшовчи аҳоли вакиллари билан учрашди. “Дарё” журналисти контейнерларда яшаётган аҳолининг яшаш тарзини суратга олди.
-7MrjbtmN.jpg)
Малатя ҳокими Эрсин Язижининг ОАВ вакилларига билдиришича, айни кунда ҳудудда салкам 118 минг аҳоли контейнерларда истиқомат қилмоқда.
2023 йилнинг 6 февраль куни содир бўлган зилзила сабаб Малатяда 1237 нафар киши вафот этган. 6444 нафар фуқаро яраланган. Вайрон бўлган бинолар сони 6643 тани ташкил этса, жиддий шикастланган бинолар 35 907 тага етган.
Масъулларнинг айтишича, шаҳардаги 32 минг 420 та контейнер уйларда 117 минг 690 нафар фуқаро яшайди.
Вилоятда зилзиладан сўнг айни кунгача 14 минг 636 та хонадонли янги уйлар қурилган.
-BYFvCSRb.jpg)
Малатяда зилзила оқибатида 46 та мактаб биносига зарар етган. 2 та мактаб бутунлай вайрон бўлган. Айни кунда бу мактаб ўқувчилари учун контейнер мактаблар ташкил этилган бўлиб, ўқувчиларнинг таълим олиши учун барча шароитлар яратиб берилган.
Изоҳ (0)