Рейтингда “Алишер Навоий” бекати ҳам бор: дунёдаги энг чиройли метро станциялари (фото)

Мазкур метро бекатлари нафақат чиройлилиги билан, балки ўзига хос тарихи ва замонавий дизайнерлик ечимлари билан ҳам дунёга машҳур.

“Ююан боғи”, Шанхай

Шанхайнинг энг чуқур метро бекати шаҳарнинг сайёҳлик марказида жойлашган. У ўзининг замонавий қиёфасини икки йил олдин кенг кўламли реставрациядан сўнг олди. Нью-Йорклик дизайнер ва меъморлар метро устида оқиб ўтадиган Хуанпу дарёсининг контурларидан илҳомланиб, метро бекатини “сув” услубида лойиҳалаштирган.

“Сити-Ҳолл”, Нью-Йорк

1904 йилда очилган шаҳар ҳокимияти метронинг тожига айланиши керак эди. Шаҳар ҳокимияти тўғридан тўғри унинг устида жойлашган, шунинг учун станция алоҳида эътибор билан безатилган. Платформа ўша пайтдаги мода арт-деко услубида безатилган. Шохли қандиллар, витраж ва плиткалар — буларнинг барчаси ҳалигача Нью-Йорк метросининг кўркига кўрк қўшади.

Аммо шаҳар йилдан йилга кенгайиб боради, вақт ўтиши билан мазкур платформа йўловчи поездларининг янги стандартларига жавоб бермай қолади. Шунинг учун станция 1945 йилда ёпилган.

“Маяковская”, Москва

Москваликлар “Маяковская”ни шунчалик яхши кўрадиларки, сўнгги йилларда у энг чиройли ва энг романтик станция номига эга бўлди. Гарчи у 86 йил олдин очилган бўлса-да, бугунги кунда ҳам жуда футуристик кўринишини сақлаб қолган. Ўз даври учун ноёб бўлган меъморий лойиҳа очилишидан олдин ҳам кўпчиликнинг диққатини тортган —1937 йилда станция Париждаги Бутунжаҳон кўргазмасида эътироф этилади. Икки йил ўтгач, объект Нью-Йоркдаги халқаро кўргазмада Гран-прига сазовор бўлади.

“Толедо”, Неаполь

Ажойиб шакллар, яхши ўйланган ёруғлик ва ақл бовар қилмайдиган миқдордаги оқ ва кўк мозаикалар йўловчиларда сувости дунёси ёки муз қироллигига келиб қолгандек ҳиссиётни беради. “Толедо” ўзининг замонавий қиёфасини бутун дунёга машҳур дизайнер ва меъморлар Неапол метросининг лойиҳасини ўз зиммаларига олиб, шаҳар метро бекатларини қуриш ва таъмирлаш бўйича Stazioni dell’arte (“Аrt Stations”) дастури туфайли олади.

Янгиланган станция 2013 йилда очилади ва дарҳол йилнинг энг яхши жамоат биноси учун нуфузли LEAF архитектура мукофотини қўлга киритади. Ўшандан бери “Толедо” мунтазам равишда дунёдаги энг чиройли метро бекатлари рўйхатида биринчи ўринни эгаллайди.

“Сольна-Центрум”, Стокгольм

Ғайриоддий кўринишга эга бўлган яна бир метро бекатларидан бири —  “Сольна-Центрум” ёрқин рангларга бўялган: қизил ранг ботаётган қуёшни, яшил ранг эса ўрмонни англатади. Улар 70 йиллардаги Швециянинг муҳим ижтимоий муаммоларини акс эттирувчи расмлар билан тўлдирилган: ёмонлашган экология, ўрмонларнинг йўқ қилиниши ва қишлоқ аҳолисининг камайиши мазкур бекатда ўз аксини топган.

“Ёнгван”, Пхеньян

Интернетда Пхеньян метросининг фотосуратлари йўқ ёки Шимолий Корея ҳақидаги бошқа маълумотлар каби очиқланмаган. Бироқ “Ёнгван” станцияси бундан мустасно, уни ҳар томондан кўриш мумкин. Сабаби метро қурилиши йилларида мамлакат раҳбарияти ўзига хос дизайн ечимларини аямаган.

Ичи жуда кенг ва ўзига хос тарзда чиройли. Бутун вокзал устунлар ва ярим доира гумбазлари бўлган собор шаклида қурилган, деворлари эса Пхеньяннинг сокин ландшафтлари тасвирланган расмлар билан безатилган. Бекатнинг асосий диққатга сазовор жойи бу — қандиллардир. Унда Шимолий Кореянинг миллий гули — бегония акс этган.

“Формоза бульвари”, Гаосюн

Станция 2009 йилда Тайванда бўлиб ўтган Жаҳон ўйинлари бошланишидан олдин очилган. Шиша санъатининг энг катта инсталяцияси бўлган “Гумбаз ёруғлиги” туфайли у муҳим туристик диққатга сазовор жойга айланди. Диаметри 30 метр бўлган улкан доира сув, олов, тупроқ ва ҳаво рамзи бўлган 4000 дан ортиқ витраж панеллардан ташкил топган. “Формоза бульвари” доимий равишда турли рейтинглардан ўрин олади. Масалан, 2014 йилда CNN Travel портали мазкур объектни дунёдаги энг чиройли метро бекатлари рўйхатига киритган.