Ўзбекистонда 2023 йилнинг 11 августидан бери давом этаётган “Док-1 Макс” ишида музокара жараёнлари бошлангани ҳақида хабар берилганди. Бугунги суд мажлисида прокурор марҳум болаларнинг ўлими учун товон пули ундириш ҳақида ҳам гапирди.
Судда сўз олган давлат айбловчиси музокара сўзида 68 нафар марҳум, 16 нафар ногирон бола учун жабрланувчиларнинг вакилларига 100 миллион сўмдан товон пули тўлаб беришни сўради. Қолаверса, 2 нафар енгил тан жароҳати олган болалар учун эса 20 миллион сўмдан товон пули ундиришни талаб қилди. У бу товон пуллари судланувчилар ҳисобидан қопланиши лозимлигини билдирди.
Прокурорнинг аниқлик киритишича, товон пули сифатида кўрилаётган 8 миллиард 440 миллион сўм 8 нафар судланувчи ҳисобидан ундирилиши керак.
Эслатиб ўтамиз, “Док-1 Макс” судида наманганлик жабрланувчи фарзанди вафоти учун 500 миллиард сўм миқдорида товон пули талаб қилганди. Унгача эса товон пулларининг энг катта миқдори 8 миллиард сўм эди. Шунингдек, судда сўз олган жабрланувчилар 3 миллиард, 1 миллиард, 500 миллион ва 100 миллион сўм миқдорида товон пули талаб қилганди.
Изоҳ (0)