Ўзбекистонда болалар шамоллашига қарши қўлланиб, 68 нафар боланинг ўлимига сабабчи бўлган “Док-1 Макс” сиропи бўйича бўлиб ўтаётган суд музокара жараёнларига ўтгани ҳақида хабар берилганди. Судлов ҳайъати бугун, 12 февраль куни давом этган навбатдаги мажлисида прокурор музокарасини тинглади. Бу ҳақда судда иштирок этаётган “Дарё” журналисти хабар берди.
Судда сўз олган прокурор суд тергови давомида келтирилган далиллар орқали айбланувчиларнинг айби ўз исботини топганини айтиб, музокара сўзида воқеа тафсилотларига тўхтатилиб ўтирмаслигини билдирди.
Прокурор мазкур сиропни Ўзбекистонга олиб кирган расмий дилер — Quramax Medical МЧЖ директори С.Р.П.га 20 йил муддатга озодликдан маҳрум қилиш жазоси тайинланишини сўради. Ва жазони умумий тартибли колонияларда ўташи кераклигини таъкидлади.
Давлат айбловчиси, шунингдек, Фармацевтика тармоқларини ривожлантириш агентлигининг собиқ раҳбари С.К. ва унинг икки ўринбосари сифатида ишлаган масъуллар — А.А. ва М.Н.га 18 йилдан озодликдан маҳрум қилиш жазо тайинланишини сўради. Уларнинг ҳар бирини 3 йил муддатга моддий жавобгарлик ва мансабдорлик лавозимларида ишлаш ҳуқуқидан маҳрум қилишни талаб қилди.
Айни пайтда суд давом этмоқда.
Изоҳ (0)