Tom Hollander ism-familiyadagi o‘xshashlik sabab hamkasbi Tom Hollandning o‘rniga “Qasoskorlar: Intiho” filmi uchun gonorar olgani haqida gapirdi

Aktyorlik agentligi Tom Hollanderni Tom Holland bilan adashtirib qo‘ygan va aktyorga hamkasbi “Qasoskorlar: Intiho” filmi uchun olishi kerak bo‘lgan gonorarni uning hisob raqamiga o‘tkazib bergan. Hollander bu haqda “Late Night” shousida maʼlum qildi.

56 yoshli aktyor va Holland bir agentlik bilan qisqa muddatga shartnoma imzolaganini aytdi. Aftidan, buxgalteriya bo‘limi aktyorlarni adashtirib yuborishi oqibatida “Oq nilufar” filmi yulduzining elektron pochtasiga “Qasoskorlar: Intiho” filmi kassa yig‘imidan birinchi bonus o‘tkazilgan.

Hollanderning so‘zlariga ko‘ra, uning hisobiga yetti raqamdan iborat summa o‘tkazib berilgan. Bundan tashqari, bu Hollandning O‘rgimchak odam roli uchun gonorari emas, balki kinokartinaning prokatdan ishlagan bonusning faqat birinchi qismi ekanligini bildirgan.

Hollander uni 27 yoshli hamkasbi bilan tez-tez adashtirib qo‘yishlarini aytdi. Kunlarning birida Hollanderga jamoat joyida bir juftlik u farzandlarining sevimli aktyori ekanligini aytgan. Hollander ularning adashganini darhol anglagan, lekin bolalarini u bilan tanishtirishga taklif qilgan.