Шавкат Мирзиёев илк бор Ўзбекистон президенти этиб сайланганидан бери дунёнинг 24 та давлатига турли даражадаги (давлат, расмий, амалий, норасмий ташрифлар) хорижий сафарларни амалга оширди. “Дарё” Президент матбуот хизмати томонидан эълон қилинган хабарлар асосида давлат раҳбарининг 2017–2023 йиллар давомида қайси мамлакатларга неча мартадан ташриф буюрганини ҳисоблаб чиқди.
Президент 2017–2023 йиллар давомида энг кўп ташриф буюрган мамлакат Россия Федерацияси бўлган. Шавкат Мирзиёев мазкур давлатга етти йил ичида 12 маротаба турли даражада сафарлар қилган.
Ташрифлар сони Қозоғистон (9 маротаба), Туркманистон (8 маротаба), Қирғизистон (7 маротаба) республикаларига ҳам нисбатан кўп бўлган.
Шу билан бирга, Хитой, Туркия, Тожикистон мамлакатларига беш мартадан ташрифлар амалга оширилган.
Давлат раҳбари АҚШ, Германия, БАА ва Озарбайжонга уч мартадан сафар қилган.
Франция, Жанубий Корея, Ҳиндистон, Венгрия ва Саудия Арабистонига эса икки мартадан ташриф амалга оширилган.
Президент, шунингдек, Италия, Япония, Сингапур, Қатар, Эрон, Миср, Покистон ва Беларусь давлатларига бир мартадан ташриф буюрган.
Эслатиб ўтамиз, Шавкат Мирзиёев жорий йилдаги илк хорижий сафарини 23–25 январь кунлари Хитойга давлат ташрифидан бошлади.
Изоҳ (0)