Shavkat Mirziyoyev ilk bor O‘zbekiston prezidenti etib saylanganidan beri dunyoning 24 ta davlatiga turli darajadagi (davlat, rasmiy, amaliy, norasmiy tashriflar) xorijiy safarlarni amalga oshirdi. “Daryo” Prezident matbuot xizmati tomonidan eʼlon qilingan xabarlar asosida davlat rahbarining 2017–2023-yillar davomida qaysi mamlakatlarga necha martadan tashrif buyurganini hisoblab chiqdi.
Prezident 2017–2023-yillar davomida eng ko‘p tashrif buyurgan mamlakat Rossiya Federatsiyasi bo‘lgan. Shavkat Mirziyoyev mazkur davlatga yetti yil ichida 12 marotaba turli darajada safarlar qilgan.
Tashriflar soni Qozog‘iston (9 marotaba), Turkmaniston (8 marotaba), Qirg‘iziston (7 marotaba) respublikalariga ham nisbatan ko‘p bo‘lgan.
Shu bilan birga, Xitoy, Turkiya, Tojikiston mamlakatlariga besh martadan tashriflar amalga oshirilgan.
Davlat rahbari AQSH, Germaniya, BAA va Ozarbayjonga uch martadan safar qilgan.
Fransiya, Janubiy Koreya, Hindiston, Vengriya va Saudiya Arabistoniga esa ikki martadan tashrif amalga oshirilgan.
Prezident, shuningdek, Italiya, Yaponiya, Singapur, Qatar, Eron, Misr, Pokiston va Belarus davlatlariga bir martadan tashrif buyurgan.
Eslatib o‘tamiz, Shavkat Mirziyoyev joriy yildagi ilk xorijiy safarini 23–25-yanvar kunlari Xitoyga davlat tashrifidan boshladi.
Izoh (0)