Бугун InterContinental меҳмонхонасида банк раҳбарияти ҳамда OTP банк бош офиси вакиллари иштирокида Ипотекабанкнинг стратегик сессияси бўлиб ўтди.
Мамлакатимиз молия бозорида олиб борилаётган ислоҳатлар ва банклар фаолияти самарадорлигини ошириш мақсадида амалга оширилган чора-тадбирлар натижасида 2023 йилнинг июнь ойида Венгриянинг етакчи банк гуруҳларидан бири бўлган OTP банк “Ипотекабанк” АТИБнинг асосий акциядорига айланди.
Ушбу саммитнинг ташкиллаштиришдан асосий мақсад халқаро тажрибага эга бўлган Мcкинсей ташкилоти билан ҳамкорликда ишлаб чиқилган “Гавҳар” дастури доирасида шакллантирилган Ипотекабанкнинг кейинги 5 йиллик стратегияси бўйича филиал раҳбарлари ва масъул ходимларига маълумот беришдир.
Шунингдек, хусусийлаштиришдан сўнг амалга оширилган ишлар филиаллар кесимида муҳокама қилинди ҳамда блок ва филиаллар раҳбарлари томонидан рискларни бошқариш, корпоратив мижозлар билан ишлаш, рақамли хизматлар, муаммоли кредитлар, микроқарз ва ипотека кредитлар ҳолати бўйича тақдимотлар намойиш этилди.
“Барчамизга маълумки жаҳон бозорида муваффақиятга эришиш учун ташкилотларда уч нарса бўлиши жуда аҳамиятлидир: зарурий ресурс базаси, малакали ходимлар ва қулай молиявий муҳит.
Бугун бизда буларнинг барчаси бор ва шубҳасиз, OTP банк гуруҳининг аъзоси сифатида мижозларга хизмат кўрсатиш сифатининг янада юқори стандартларини тақдим эта оламиз ҳамда янги рақамли технологиялар, маҳсулотлар ва бошқарув тажрибаси ёрдамида банк секторида етакчиликка эришамиз.”, — деди Ипотекабанк Бошқарув раиси Элёр Иномжонов.
Шунингдек, саммит давомида OTP банк раисининг ўринбосарлари Ласзло Wолф ва Андрас Беcсеи ҳам Ипотекабанк OTP Group’нинг янги стратегияси доирасида амалга оширилиши лозим бўлган жиҳатларга тўхталиб ўтди.
OTP Group ҳақида
OTP Гуруҳи, юқори рентабеллик, барқарор капитал ва ликвидлик позициясига эга бўлган, Марказий ва Шарқий Европа минтақасидаги энг тез ривожланаётган ва етакчи банк гуруҳларидан бири ҳисобланади.
Марказий ва Шарқий Европа минтақаси банк секторидаги фаол молиявий бирлаштирувчи сифатида гуруҳ 2000 йиллардан бошлаб 23 та банкни муваффақиятли сотиб олди ва бирлаштирди. Ҳозирги вақтда банк Венгрия, Болгария, Сербия, Черногория ва Словенияда бозор етакчиси ҳисобланади.
Реклама ҳуқуқи асосида.
Изоҳ (0)