Меtа акцияларининг қиймати ошиши фонида Марк Цукерберг сўнгги икки йил ичида биринчи марта компания акцияларини сотди. Бу ҳақда Bloomberg хабар берди.
Агентлик маълумотларига кўра, Цукерберг 682 минг дона акция сотиш орқали деярли 185 миллион доллар даромад олган.
Меtа акциялари жорий йил бошидан буён 172 фоизга ошиб, АҚШнинг барча йирик технология компанияларини (Nvidia’дан ташқари) ортда қолдирди. Савдо Цукербергга венчур капитали, бошқа компанияларга сармоя киритиш ва тадқиқотлардан максимал даромад олиш имкониятини беради.
Агентлик таъкидлаганидек, Цукерберг сўнгги ўн йил ичида мунтазам равишда Меtа улушларини сотиб келган, бироқ 2022 йилда у бирорта ҳам қимматли қоғозлар савдосини амалга оширмаган. Бу компаниянинг 2012 йилдан кейинги энг ёмон йиллик кўрсаткичларига олиб келган “ҳалокатли чорак натижалари”дан кейин содир бўлди.
Ҳозир Меtа акциялари 2021 йилда ўрнатилган рекордга яқинлашмоқда. Bloomberg Billionaires Index маълумотларига кўра, Цукерберг ҳали ҳам компаниянинг қарийб 13 фоизига эгалик қилади, бу унинг деярли 117,7 миллиард долларлик бойлигини ташкил қилади.
Изоҳ (0)