Меtа раҳбари ва миллиардер Марк Цукерберг зудлик билан касалхонага ётқизилди. У тизза бўғимидан жароҳат олиб, операция қилинди.
Цукербергнинг сўзларига кўра, у MMA бўйича келаси йил бошида ўтказилиши керак бўлган жангга тайёргарлик кўраётган эди. Эндиликда жанг қолдирилди.
“Спарринг пайтида тиззамни жароҳатлаб олдим ва уни қайта тиклаш учун операциядан ўтдим”, — деб ёзди Цукерберг Facebook саҳифасида.
У тузалганидан кейин машғулотларни давом эттиришини қўшимча қилди.
39 ёшли Цукерберг MMA бўйича машғулотларни коронавирус пандемияси даврида бошлаган. 2023 йилнинг май ойида у Силикон водийсида жиу-жицу бўйича турнирда биринчи ўринни эгаллади.
Аввалроқ миллиардер сайёрамизнинг энг бой одами Илон Маскка қарши жанг қилиши кутилганди. Кейинроқ Цукерберг Маскнинг курашга “жиддий ёндошмаётгани” туфайли у билан жангдан воз кечди.
Изоҳ (0)