Meta aksiyalarining qiymati oshishi fonida Mark Sukerberg so‘nggi ikki yil ichida birinchi marta kompaniya aksiyalarini sotdi. Bu haqda Bloomberg xabar berdi.
Agentlik maʼlumotlariga ko‘ra, Sukerberg 682 ming dona aksiya sotish orqali deyarli 185 million dollar daromad olgan.
Meta aksiyalari joriy yil boshidan buyon 172 foizga oshib, AQSHning barcha yirik texnologiya kompaniyalarini (Nvidia’dan tashqari) ortda qoldirdi. Savdo Sukerbergga venchur kapitali, boshqa kompaniyalarga sarmoya kiritish va tadqiqotlardan maksimal daromad olish imkoniyatini beradi.
Agentlik taʼkidlaganidek, Sukerberg so‘nggi o‘n yil ichida muntazam ravishda Meta ulushlarini sotib kelgan, biroq 2022-yilda u birorta ham qimmatli qog‘ozlar savdosini amalga oshirmagan. Bu kompaniyaning 2012-yildan keyingi eng yomon yillik ko‘rsatkichlariga olib kelgan “halokatli chorak natijalari”dan keyin sodir bo‘ldi.
Hozir Meta aksiyalari 2021-yilda o‘rnatilgan rekordga yaqinlashmoqda. Bloomberg Billionaires Index ma’lumotlariga ko‘ra, Sukerberg hali ham kompaniyaning qariyb 13 foiziga egalik qiladi, bu uning deyarli 117,7 milliard dollarlik boyligini tashkil qiladi.
Izoh (0)