Американинг Меtа Platformas корпорацияси раҳбари Марк Цукерберг 2023 йил бошидан буён бойлигини рекорд даражада — 44,3 миллиард долларга оширди. Бу дунёдаги энг бой одамлар орасида энг юқори кўрсаткич, деб ёзади Bloomberg.
Bloomberg Billionaires Index’га кўра, тадбиркорнинг бойлиги ҳозирда 89,9 миллиард долларга баҳоланмоқда (12-ўрин). Цукерберг жорий йил бошидан бери бойлиги ўсиши бўйича миллиардерлар орасида биринчи ўринни эгаллаб турибди. Ундан кейинги ўринда Louis Vuitton Моet Hennessy компанияси президенти Бернард Арно ва Tesla, SpaceX асосчиси ҳамда Twitter эгаси Илон Маск бормоқда.
Журналистларнинг фикрича, Марк Цукерберг метаолам (махсус виртуал макон) га пул тикди ва бу сегментда ҳукмронлик қилиш учун қанча керак бўлса, шунча пул сарфлашга интилди. Бундан ташқари, бир пайтлар тадбиркорнинг бойлиги 100 миллиард доллардан кўпроққа қисқарди, гарчи бир неча йил олдин у дунёдаги учинчи энг бой одам эди.
Февраль ойи бошида Марк Цукерберг оммавий ишчиларни бўшатиш ортидан кунига 12 миллиард долларга бойиганди. Журналистларнинг ёзишича, 2023 йилда Мета акцияларининг рентабеллиги кузда сезиларли пасайишдан кейин 50 фоиздан кўпроққа ошган.
Изоҳ (0)