ADM Global компанияси ва Chery Uzbekistan бренди мамлакатимизда брендни ривожлантириш стратегиясининг муҳим босқичи бошланганлигини эълон қиладилар.
Маълумки, ADM Global компанияси Chery автомобилларини кенг истеъмолчилар давраси учун янада қулайроқ қилишга интилмоқда.
Chery International компанияси президенти жаноб Чжан Гуйбиннинг Ўзбекистонга расмий ташрифи вақтида ўтказилган музокаралар натижасида, Ўзбекистон ва ХХР давлатлари ўртасида автомобилсозлик соҳасидаги муносабатларни мустаҳкамлашга қаратилган ҳамкорлик доирасида, эҳтиёт қисмлар ва транспорт харажатларини оптималлаштириш орқали автомобилларнинг таннархини арзонлаштиришга эришиш бўйича қатор қарорлар қабул қилинди.
Қабул қилинган қарорлар туфайли Хитой учун стратегик муҳим аҳамиятга эга бўлган бозор учун нарх сиёсати қайта кўриб чиқилди. Натижада, ADM Global ва Chery International компаниялари ўртасида Chery моделларининг бутун қатори учун якуний нархларни пасайтириш бўйича келишувга эришилди.
Ушбу қадам Chery International компаниясининг ADM Global билан узоқ муддатли ҳамкорлигини чуқурлаштириш, шунингдек, Ўзбекистонда автомобилсозлик саноатини ривожлантиришни қўллаб-қувватлаш стратегиясининг бир қисмидир.
Chery автомобиллари учун янгиланган нархлар:
- Arrizo 6 Pro Comfort – 279 900 000 – 254 900 000 сўм
- Arrizo 6 Pro Интеллигент – 309 900 000 – 279 900 000 сўм
- Tiggo 7 Про Luxury – 329 900 000 – 291 900 000 сўм
- Tiggo 7 Про Premium – 369 900 000 – 324 900 000 сўм
- Tiggo 8 Pro Luxury – 439 900 000 – 407 900 000 сўм
- Tiggo 8 Pro Max – 509 900 000 – 470 900 000 сўм
Chery дилерлик марказларида автомобилларни бепул ҳайдаб кўринг (тест-драйв) ва бундан ҳам қулай нархларга эга бўлинг
Изоҳ (0)