Ўзбекистонда “Янги Нафас” оммавий югуриш мусобақаси бўлиб ўтади. Ғолибларга пул мукофоти бор

Ўзбекистоннинг 16 та шаҳрида 19 ноябрь куни Давлат байроғи қабул қилинган кунга бағишланган “Янги Нафас” оммавий югуриш мусобақаси бўлиб ўтади.

Барча қатнашиши мумкин бўлган ватанпарварлик оммавий югуриш мусобақасининг ташкилотчилари сифатида: Олий таълим, фан ва инновациялар вазирлиги, Соғлиқни сақлаш вазирлиги, “Асака банк” АТВ, ИИВ, ФВВ,  Мактабгача ва мактаб таълими вазирлиги, Ёшлар сиёсати ва срорт вазирлиги, “Ўзбекнефтгаз” АЖ ва Ўзбекистон Енгил атлетика федерацияси иштирок этмоқда.

Ушбу мусобақа республиканинг 16 шаҳрида ўтказилади. Мамлакатнинг бош рамзи Андижон, Наманган, Фарғона, Нурафшон, Гулистон, Жиззах, Самарқанд, Термиз, Навоий, Бухоро, Қоровулбозор, Қарши, Ғузор, Хива, Нукус ва Тошкент шаҳарлари яшовчилари томонидан марказий кўчалар бўйлаб олиб ўтилади.

Тошкентда старт ва финиш зонаси Ҳумо Арена спорт-муз мажмуаси майдонида жойлашади. Мусобақанинг тасдиқланган концепциясига кўра, барча шаҳарларда ягона масофа 3 километр, Тошкентда эса 3 километр ва 10 километрни ташкил қилади.

Давлат байроғи қабул қилинган кунни нишонлашга шунингдек бошқа мамлакатлардан спортчилар ва югурувчилар ҳам қўшилиши мумкин.

Эслатиб ўтамиз, Ўзбекистон енгил атлетика федерациясининг ташаббуси билан 2023 йилда “Янги нафас” оммавий югуриш мусобақаси халқаро мақомга эга бўлиб, мусобақада иштирок этиш учун Қозоғистон, Тожикистон ва Қирғизистондан спортчилар ҳамда югуриш клублари иштирокчилари таклиф этилади. “Янги Нафас” оммавий югуриш мусобақаси World Атҳлетиcс Халқаро енгил атлетика федерациялари ассоциациясининг амалдаги қоидаларига мувофиқ ўтказилади.

Барча шаҳарларда Янги нафас оммавий югуриш мусобақаси бир вақтда, эрталаб соат 07:30 да бошланади. Ёш иштирокчилар учун тавсия этилган ёш: 9 ёш.

3 ва 10 км масофаларга югуриш бўйича ғолиблар 18 ёшдан 35 ёшгача, 35 ёшдан 55 ёшгача ва ундан катта ёшдаги эркаклар ва аёллар ўртасида ёш тоифалари бўйича аниқланади ҳамда оммавий югуриш мусобақасининг энг ёш ва энг кекса иштирокчилари ҳам алоҳида совғалар билан тақдирланади. Югурувчилар “Абсолют” ва “Havasкор” тоифаларида совринлар учун кураш олиб боради.

Шунингдек, имконияти чекланган иштирокчилар учун ҳам махсус номинациялар ажратилади. “Янги Нафас” оммавий югуриш мусобақасига ҳарбий хизматчилар ҳам қўшилиб, улар учун ҳарбий олий ўқув юртлари ўртасида энг яхши натижалар учун махсус номинациялар белгилаб берилган.

“Янги Нафас” оммавий югуриш мусобақасининг Тошкентдаги босқичининг ғолиблари учун ташкилотчилар томонидан пул мукофоти жамғармаси ажратилган:

• 1-ўрин учун — 3 миллион сўм;
• 2-ўрин учун — 2 миллион сўм;
• 3-ўрин учун —1 миллион сўм.

Тошкентда ғолиблар тақдирланиши 19 ноябрь куни, соат 11:00 да “Пахтакор” спорт мажмуаси Енгил атлетика федерацияси стадиони ҳудудида бўлиб ўтади. Вилоятларда пул мукофоти Ташкилий қўмиталар томонидан шакллантирилади.

10 километр ва 3 километр масофага югуришда финишга етиб келган барча иштирокчилар махсус медаллар билан тақдирланади.