2023-yil 4-noyabrda O‘zbekiston ishbilarmonlar hamjamiyati Piramit Mall SM taqdimotiga bag‘ishlangan marosimda jamlandi. Koç Construction qurilish kompaniyasi Hilton Tashkent City da tashkil etilgan tantanali tadbirda o‘zining yangi loyihasini taqdim etdi.
Sharqda bozorlarda savdo qilish an'anasi kuchli: so‘rashish, surishtirish, aylanib ko‘rish, savdolashish. Shu bilan birga, savdo markazlarida shopping qilish madaniyati ham o‘sib bormoqda. So’ngi o‘n yillikda savdo markazlari soni sezilarli oshdi, ammo ular O‘zbekistonning zamonaviy aholisi uchun zarur servis darajasini ta'minlab bera olmayapti. Iste'molchilar so‘rovlariga javoban, O‘zbekistondagi yetakchi qurilish kompaniyalaridan biri – Koç Construction poytaxt hamjamiyatiga yangi Piramit Mall savdo markazini taqdim etdi.
2023-yil 4-noyabrda Hilton Tashkent City mehmonxonasida o‘tgan tijorat maydonlari sotuvining boshlanishiga bag‘ishlangan tadbirda qurilish kompaniyasining rahbarlari, mahalliy amaldorlar, O‘zbekiston biznes doirasi vakillari, inflyuenserlar, OAV vakillari qatnashdi. Qutlov so‘zi bilan chiqish qilgan Koç Construction direktorlar kengashi raisining o‘rinbosari Umar Sariko‘ch Piramit Mall Toshkentning mashhur ramzlaridan biriga aylanishini, uning 185 metrli Piramit Tower osmono‘par binosi bilan yonma-yon joylashgani bejiz emasligini qayd etdi. “O‘zbekistonda chakana savdo salohiyati jadal o‘smoqda va Piramit Mall markazi ushbu jarayonga yetakchilik qilishi uchun loyihalashtirilgan”,- dedi Sariko‘ch janoblari. U Piramit Mall 200 dan ziyod muvaffaqiyatli yakunlangan loyihalardan biri bo‘lganligini qo‘shimcha qilib, bu Koç Construction ning qurilish sohasidagi 50 yillik tajribasining mantiqiy samarasi ekanini bildirdi.
Piramit SM — iste'molchilar so‘rovlariga mantiqiy javob
Jamoat joylari, ofislar va xonadonlar joylashadigan Piramit Tower 2024-yil o‘rtalarida o‘z eshiklarini ochadi. Piramit Mall SM rejalashtirilgan uch qavat o‘rniga olti qavatga bo‘y cho‘zadi, u 2025-yilda yakunlanadi. Shu tariqa, “Piramit” majmuasi keng ko‘lamdagi brend va xizmatlarga ega, muloqot va shopping uchun jozibali markazga aylanadi. Janob Sariko‘ch qo‘shima qilganidek, moll tashrif buyuruvchilarga lyuks-segmentdagi ko‘cha do‘konlariga ega ochiq savdo markazi konsepsiyasini taklif etadi. Bu iste'molchilarning bir joyda qulay va keng qamrovli shopping borasidagi so‘rovlariga javob bo‘ladi.
Katta istiqbolga ega investitsiyaviy imkoniyatlar
Keyin “Piramit” marketing bo‘yicha menejeri Qodir Yilmaz so‘zga chiqdi. U Piramit Mall ning muvaffaqiyatli joylashuvi sababli u yerda do‘konlar ochadigan kompaniyalar milliy va xalqaro miqyosda o‘z bizneslarini kengaytirish imkoniga ega bo‘lishlarini, shuningdek keng maqsadli auditoriyani qamray olishlarini qayd etdi. Janob Yilmaz ta'kidlaganidek, Piramit Mall ning strategik joylashuvi tufayli investorlar va biznes sohiblariga vaqt o‘tgan sari qadri oshib boruvchi noyob taklif taqdim etilishini ta'kidladi:
- SM butun dunyodan 90 dan ziyod brendni bir joyga jamlaydi;
- Loyihaning qisqa muddatlarda amalga oshirilishi investorlarga mablag‘lari o‘zlariga tez qaytishini ta'minlaydi;
- Ko‘cha chakana sadvosiga qaraganda yuqoriroq ijara to‘lovi ham tijorat maydonlari egalari uchun investitsiyalarning qaytishini jadallashtiradi.
U Piramit Tower, Piramit Flat va Piramit Mall SM ekotizimi – bu 3000 dan ziyod xodim va osmono‘pardagi apartamentlarning 2000 dan ziyod yashovchisi ekanini yodga soldi. Majmua atrofida, 10 daqiqali radiusda yana millionga yaqin inson istiqomat qiladi. Ularning barchasi savdo markazining potensial mijozi bo‘ladilar va biznesning jo‘shqin start olishini ta'minlaydilar.
Jahon standartlariga mos savdo markazi
Piramit Mall — jahon standartlariga ko‘ra loyihalashtirilgan va qurilayotgan savdo markazi. Unda maydoni 21 m2 dan 367 m2 gacha bo‘lgan 94 ta do‘kon joylashadi, ular barqaror daromad manbasi bo‘la oladi. Kompaniya kiyim-kechak va zargarlik buyumlari butiklari, texnika, kosmetika, salomatlik uchun tovarlar, oziq-ovqat tovarlari do‘konlari, bank ofislari, xizmat ko‘rsatish va ko‘ngil ochish nuqtalari joylashishini qo‘llab-quvvatlaydi.
Piramit Mall savdo markazi mijozlar ko‘p kelishiga mo‘ljallab loyihalashtirilgan. Avtoturargoh infratuzilmasi 1000 tagacha avtomobilni sig‘diradi. Birinchi ikkita qavatga kirish uchta turli nuqtalardan tashkil qilingan. SMda tabiiy resurslardan unumli foydalanish, jumladan tejamkor elektr iste'moli, intellektual ventilyasiya texnologiyasi va ekspluatatsiya xarajatlarining kamayishi rejalashtirilgan.
Piramit Mall O‘zbekiston chakana biznes olamida standartlarni yanada yuqori ko‘taradi va yangi me'yorlar belgilaydi. Toshkentning qoq markazidagi noyob joylashuvi va vaqtga qaram bo‘lmagan me'moriy o‘ziga xosliklari tufayli, u zamonaviy savdo markazi konsepsiyasini yangi darajaga olib chiqadi.
Marosimda tantanali suratda tijorat maydonlarining sotuvi boshlangani e'lon qilindi. Hozirgi bosqichda Piramit Mall ichidagi savdo maydonchalari maxsus to‘lov rejalari bo‘yicha sotuvga chiqarilmoqda, bu ularni investitsiyalar o‘zini qoplashi nuqtai nazaridan maksimal foydali obyektga aylantiradi. Koç Construction kompaniyasi Piramit Mall jahon miqyosidagi savdo markazi loyihasi poytaxt biznesining munosib namunasi bo‘lishiga ishonch bildirdi.
Reklama huquqi asosida.
Izoh (0)