Кўчмас мулкка оид онлайн интеграторлар нима ва улар нима учун керак?
Ўзбекистонда Realting.uz онлайн платформаси ишга туширилди. Бу нима ва у нима учун ва кимларга керак?
Realting.uz - бу дунёга машҳур Realting.com платформанинг бўлинмаси бўлиб, у кўчмас мулк соҳасида уй-жой ҳарид қилиш ва сотиш воситалари, янгиликлар ва таҳлилий хизматларнинг энг йирик интеграторидир.
Кўчмас мулк бозорининг барча иштирокчилари эҳтиёжларини муваффақиятли равишда қондиришга қодир бўлган ушбу халқаро платформа кўплаб бозорларда етакчи ўринларни эгаллаб келади. Платформа кўчмас мулк билан боғлиқ ахборот технологиялари соҳасида 20 йиллик тажрибага эга бўлган жамоага эга. Реалтингга ташриф буюрувчилар орасида йирик девелоперлар, риелторлар, иккиламчи уй-жой сотувчилари ва, албатта, кўчмас мулк харидорлари бор. Реалтинг хизмати туфайли улар нафақат уй-жой сотиб олишлари ва сотишлари, балки интерактив харита мавжудлиги туфайли объектга ташриф буюришдан олдин, у қаерда жойлашганлигини тасаввур қилишлари ва бино атрофида қандай инфратузилма мавжудлигини кўришлари мумкин. Сайт шунингдек, савдо статистикаси, тижорий кўчмас мулк савдолари статистикаси ва унинг ўтказувчанлигини кузатиш, шунингдек, кўчмас мулк соҳаси таҳлилчилари томонидан берилган баҳолар билан танишиш имконини беради.
Бу каби хизматлар дунёнинг кўплаб мамлакатларида катта талабга эга, чунки улар кўчмас мулк бозорида шериклик асосидаги савдо тизими ва ҳамкорлик учун очиқлик туфайли битимларнинг тузилишини осонлаштиради.
Мисол учун, ушбу формат АҚШда кенг тарқалган бўлиб, у ерда кўчмас мулк агентликлари IT воситалари орқали потенсиал харидорларнинг катта аудиториясини шериклик асосидаги савдо тизимлари ва ихтисослаштирилган ресурсларсиз ишлашни тасаввур ҳам қила олишмайди.
Шериклик асосидаги савдонинг афзаллиги нимадан иборат?
Ҳар бир риелтор ўз мижозига бошқа риелторнинг мол-мулкини таклиф қилиши мумкин, у эса битим муваффақиятли амалга оширилган тақдирда, унга харидор учун комиссия тўлайди. Бу қуйидагича амалга оширилади: шериклик асосидаги савдо тизимининг барча иштирокчилари платформада рўйхатдан ўтадилар ва шериклик комиссияси миқдорини белгилайдилар.
Қулай интерфейс ва сайтда шахсий кабинет яратиш имконияти туфайли Реалтинг хизматидан фойдаланиш жуда осон ва қулайдир. Бу эълон бераётганлар ҳам уй-жой излаётганлар ҳам ноқулай ва нотўғри ишлаб чиқилган навигасияга вақт ва куч сарфламасликларини ва юзлаб шунга ўхшаш эълонлар орасида чалкашиб кетмасликларини англатади.
Реалтинг: нима учун ушбу хизмат Ўзбекистонда уй-жой сотиш, ҳарид қилиш ва ижарага беришни тубдан ўзгартиради?
Реалтинг хизмати маҳаллий кўчмас мулк бозори салоҳияти тобора ривожланиб бораётгани муносабати билан Ўзбекистон бозорига чиқиш тўғрисидаги қарорга келди. Хизмат халқаро майдонда Ўзбекистоннинг кўчмас мулк бозорига эътиборни жалб қилиш ҳамда маҳаллий ва хорижий харидорлар ва инвесторларнинг катта аудиториясини тез фурсатда тўплашга ёрдам бериш ниятида.
Хизмат Ўзбекистонда қуйидагилар билан шуғулланади:
- Девелоперлар, риелторлик агентликлари ва хусусий сотувчиларнинг кўчмас мулк объектлари тўғрисидаги энг тўлиқ маълумотлар базасини шакллантиради. Бу ўз навбатида уй-жойларни қидириш ишлари жараёнини бир неча баробар тезроқ, қулайроқ ва самаралироқ қилади.
- Чет элларда кўчмас мулк бозорининг профессионал иштирокчилари: компаниялар, мутахассислар, уюшмалар ва профессионал иштирокчилар жамоалари тўғрисида маълумот бериб боради.
- Шартномаларнинг тузилишини тезлаштириш учун кўчмас мулк бозорининг профессионал иштирокчиларидан ҳамкорлик таклифларини - Ўзбекистонда шериклик асосидаги савдо тизимини шакллантиради.
- Платформа шунингдек, оммавий ахборот воситалари билан ҳамкорлик қилиш ва Ўзбекистонда кўчмас мулк бозорининг ривожланиши ҳақидаги маълумотларни бериб борадиган ахборот пулини яратиш ниятида, унда Ўзбекистон кўчмас мулк бозоридаги нархлар тенденциялари бўйича таҳлилий тадқиқотлар ҳам тақдим этилади.
Бугунги кунда Реалтинг дунёдаги энг йирик риелторлар ассоциасияси – НАР (АҚШ Миллий риелторлар ассоциасияси) билан ҳамкорлик қилади, бундай ҳамкорлик ҳам ўзбек кўчмас мулкига оид маълумотларни хорижда тарқатишга ёрдам беради. Яъни, дунёнинг исталган нуқтасида Ўзбекистонда кўчмас мулк топмоқчи бўлган шахс, у ҳақда маълумот олиши ва тезкорлик билан онлайн-битим тузиш имконига эга бўлиши мумкин.
Кўчмас мулк бозоридаги глобал ўйинчиларнинг прогнозларига кўра, келгуси йилларда биз кўчмас мулкни сотиб олиш ва сотиш операцияларида қўлланиладиган рақамли технологияларнинг кескин ўсишини кўрамиз. Бу ўринда сўз, биринчи навбатда, уй-жойни сотиш, сотиб олиш ва ижарага бериш жараёнини сифат жиҳатидан янги даражага олиб чиқадиган CRM ва MLS тизимлари - инновацион IT эчимлари ҳақида бормоқда. Ушбу тенденция дунёнинг барча минтақаларида кузатилади, Ўзбекистон ҳам бундан мустасно бўлмайди. Realting.uz сайти туфайли мамлакат ушбу тенденция унга Ғарбдан бир неча йил кечикиб келишини кутиб ўтирмасдан, қулай инновациялардан ҳозирнинг ўзида фойдаланишни бошлаш имкониятига эга.
Маълумот учун: Ўзбекистонда кўчмас мулк бозорининг ўсиши ва у билан боғлиқ муаммолар
Ўзбекистонда кўчмас мулк бозори ниҳоятда жадал сурътларда ўсиб бормоқда, буни рақамлар ҳам тасдиқлайди: 2018 йилдан буён мамлакатда 300 мингдан ортиқ уй-жой пайдо бўлган (таққослаш учун: бунгача 14 йил ичида, 2000 йилдан 2014 йилгача бор-йўғи 86 мингта бино қурилган).
Бироқ Ўзбекистон кўчмас мулк сектори жадал ривожланиб бораётгнига қарамасдан, у дуч келаётган бир муаммо борки, у ҳам бўлса кўчмас мулк бозорининг шаффоф эмаслигидир. Гап фирибгарлик ҳақида эмас, балки кўчмас мулк сотиб олмоқчи бўлган ёки унга ўз пулини киритмоқчи бўлган шахснинг Ўзбекистон бозорида нималар бўлаётгани ҳақида тўлиқ тасаввурга эга бўла олмаслиги ҳақида бормоқда.
Шу билан бирга, кўчмас мулк - бу ўзи учун уй сотиб олиш ёки ижарага олишни истаган ҳар кимга, тижорий кўчмас мулкини қидираётган тадбиркорларга ва соҳа мутахассислари-риелторлар, девелоперлар ва иқтисодчиларга тегишли бўлган соҳадир.
Кўплаб соҳаларнинг, жумладан: туризм, чакана савдо, ресторан бизнеси, шаҳарсозликнинг ривожланиши, шунингдек, хорижий инвестициялар ҳажми кўчмас мулк бозори қанчалик очиқ бўлишига боғлиқ. Бу ўринда шахсий қулайлик даражасини ҳам тилга олиб ўтиш лозим. Бундай қулайлик уй ҳарид қилиш ёки уйни ижарага олиш учун қидириш ишлари қанчалик осонлашса ва тезлашса шунчалик ортади.
Рақамли инновациялар даврида очиқ кўчмас мулк муҳитини шакллантириш учун замонавий онлайн-воситалар зарур. Realting.uz пайдо бўлгунга қадар Ўзбекистонда тўлиқ қамровда ишлайдиган бундай воситалар бўлмаган. Энди биз нафақат кўчмас мулк бозорининг янада ўсганининг шоҳиди бўламиз, балки у билан қулай ва шаффоф ишлаш имконига эга бўламиз.
Реклама ҳуқуқи асосида.
Изоҳ (0)