Чеченистон раҳбари Рамзан Қодиров “Вагнер” раҳбари каби у ҳам “нишонга олиниши” ёки касаллиги сабабли ўлиши мумкинлиги ҳақидаги хабарларга муносабат билдирди.
Қодиров шу тариқа унинг ўлимини башорат қилаётган сиёсатшунослар ва хорижий нашрларга жавоб қайтарди.
“Мен яна бир бор такрорлашдан чарчамайман ва ғурур билан айтаман: Россия олий бош қўмондони пиёда аскариман ва ўзимга тегишли эмасман. Мен динга, ватанга, унинг манфаатларига мансубман. Владимир Владимировичнинг ҳар қандай буйруғини бажаришга тайёрман, ҳатто натижаси ўлим бўлса ҳам”, — деди Чеченистон раҳбари.
Шунингдек, у Путинга ҳурмат-эҳтиромда ундан ҳам фидойироқ одам борлигини билса, тўсатдан жон беришини айтди. Қодиров Россия президентига “бир эмас, икки марта жон қарздор” эканини ва ўлимдан қўрқмаслигини билдирди.
Изоҳ (0)