Ўзбекистон мустақиллигининг ўттиз икки йиллиги муносабати билан бир гуруҳ чет эл инвесторларини мукофотлаш тўғрисидаги президент фармони қабул қилинди. Бу ҳақда Президент матбуот хизмати хабар берди.
Унга кўра, давлатлар ўртасидаги кўп қиррали ва ўзаро манфаатли ҳамкорликни ҳар томонлама ривожлантириш, дипломатик, савдо-иқтисодий, сармоявий, илмий-техникавий ва маданий-гуманитар соҳалардаги алоқаларни кенгайтиришга қўшаётган катта ҳиссаси, мамлакат иқтисодиётига инвестицияларни жалб этиш, самарали инновацион лойиҳалар ва қўшма дастурларни амалга ошириш, республикадаги ислоҳотлар ва демократик ўзгаришларни, Ўзбекистон томонидан илгари сурилаётган глобал ва минтақавий ташаббусларни фаол қўллаб-қувватлаш борасидаги алоҳида хизматлари, шунингдек, халқлар орасидаги дўстлик ва ҳамжиҳатлик ришталарини мустаҳкамлаш йўлидаги ибратли фаолияти учун қуйидагилар “Дўстлик” ордени билан мукофотланди:
- Гуржий Степан Леонидович — Россия “Лукойл” акциядорлик жамиятининг Марказий Осиё, Яқин Шарқ ва Шимолий Африка бўйича вице-президенти;
- Мухаммад Абунайян — Саудия Арабистони Подшоҳлиги АCWА Power компанияси бошқаруви раиси;
- Мухаммад Жамил Ал-Рамахий — Бирлашган Араб Амирликлари Masdar компанияси бош ижрочи директори;
- Жемил Kazanжи — Туркия Аksа Energy компанияси бошқарув кенгаши раиси;
- Мехмет Женгиз — Туркия Cеngiz Holding компанияси асосчиси;
- Шандор Чани — Венгриянинг “OTP Банк” бошқаруви раиси;
- Сейфоллах Гасеми — Америка Қўшма Штатларининг Air Products компанияси бошқаруви раиси;
- Перис Муратоглу — Франциянинг Тоtal Eren компанияси бошқаруви раиси.
Изоҳ (0)