Президент томонидан 9 август куни имзоланган қонун билан Ўзбекистонда адвокат бўлиш учун икки йиллик иш стажи талаби бекор қилинди. Бу ҳақда Telegram’даги “Ҳуқуқий ахборот” канали хабар қилди.
“‘Адвокатура тўғрисида’ги Ўзбекистон Республикаси қонунининг 3-1-моддасига ўзгартириш киритиш ҳақида”ги қонунга кўра, адвокат мақомига эга бўлишга талабгор шахс лицензия олиш учун адвокатлик тузилмасида (адвокатлик бюросида, адвокатлик фирмасида, адвокатлар ҳайъатида, юридик маслаҳатхонада) камида 3 ой муддат стажировка ўташи керак ҳамда малака имтиҳонини топшириши шартлиги белгиланди.
Илгари талабгор шахс юридик мутахассислик бўйича камида икки йиллик иш стажига эга бўлиши лозим эди.
Қонун расмий эълон қилинган кундан эътиборан кучга киради.
Изоҳ (0)