Тошкент шаҳрининг икки тумани — Чилонзор ва Учтепа туманларида фавқулодда авария ҳолати сабабли электр энергияси таъминоти вақтинча тўхтатилди. Бу ҳақда “Ҳудудий электр тармоқлари” АЖ Тошкент шаҳар филиали матбуот хизмати хабар берди.
Унга кўра, Чилонзор ҳамда Учтепа туман ҳудудларидаги айрим аҳоли истеъмолчиларини электр энергияси билан таъминловчи ПС “Озодлик”, ПС “Райҳон”дан чиқувчи Л-Райҳон-1 110 кВли юқори кучланишли электр узатиш ҳаво тармоғида юкламанинг ортиб кетиши натижасида фавқулодда авария ҳолатида электр таъминотида узилиш содир бўлди.
Айни вақтда, “Ҳудудий электр тармоқлари” АЖ Тошкент шаҳар филиалининг тезкор чиқиш бригадалари зарур электр қурилмалар ҳамда махсус автотранспорт воситалари билан мазкур носозликни бартараф этишга жалб этилган. Тез орада мазкур носозлик тўлиқ бартараф этилиб, тармоқ орқали электр энергияси етказиб берилиши тўлиқ тикланади.
“Юзага келган фавқулодда аварияли узилиш вақти келтирилган ноқулайликлар учун истеъмолчилардан узр сўраймиз”, дейилади хабарда.
Изоҳ (0)