“Табиб” фильми 1982 йилда суратга олинган. Уни режиссёр Ержи Хоффман ёзувчи Тадеуш Доленжи-Мостовичнинг шу номли романи асосида тасвирга олган. AdMe нашри “Табиб” фильмида рол ижро этгандан сўнг актёрлар қандай ўзгарганини кўришга ва уларнинг келажакдаги тақдири қандай кечганини билишга ҳаракат қилди.
Анна Димна
“Табиб” фильмида Анна Димна Лешекнинг севгилиси Мариса, фильм охирида эса графнинг рафиқаси ролини ўйнади. Театр йўналишида ўқиётган пайтларидаёқ актриса ўз истеъдодини намоён қила бошлади. 1970 йилда Димна кинода дебют бўлса ҳам бош ролни ижро қилди. Актриса 250 дан ортиқ фильм ва театрлаштирилган спектаклларда рол ўйнаган.
Кўп йиллардан буён у хайрия ишлари билан шуғулланади, шунингдек, шеърият клубининг асосчиси ҳамдир. Димна уч марта турмушга чиқди, иккинчи никоҳдан ўғли Михаил туғилди. Ҳозирда актриса актёр ва театр режиссёри Кшиштоф Орзеховскийга турмушга чиққан.
Ежи Бинчицкий
Ежи Бинчицкий ўзининг биринчи ролини 1962 йилда ижро этди. 1975 йилда у Берлин кинофестивалида тақдим этилган “Тунлар ва кунлар” номли култ фильмида рол ўйнади. Кейинчалик актёр “Табиб” фильмида бош ролни ижро этди. Актёр ўлимига қадар ўзига талабчан эга эди: уни 60 дан ортиқ фильм ва сериалларда кўриш мумкин. Биринчи турмушидан қизи Магдалена, иккинчисидан эса ўғли Ян туғилган. Ян ҳозирда маданиятшунослик касби бўйича фаолият юритади.
Томаш Стокингер
Томаш Стокингер ўз фаолиятини 1978 йилда “Хавф остидаги ҳаёт” сериали билан бошлаган. Кейинги йилларда у телекўрсатувлар ва фильмларда асосий ёки иккинчи даражали ролларни ижро этди. Шулардан бири “Табиб” фильмида эди: актёр Марисанинг йигити граф Лешек, кейин эса унинг турмуш ўртоғи ролини ижро этди.
Стокингер нафақат фильмларда, балки театрда ҳам фаолият юритади ва ҳатто, мусиқий альбомларни ёзади. Актёр уйланди, ўғли Роберт туғилди. Ҳозирда Роберт журналистика соҳасида ишлайди. Актёрнинг икки набираси бор.
Божен Дикель
Божен Дикель “Табиб” фильмида Прокоп ўртанча ўғлининг рафиқаси Sonyа ролини ўйнади. Актрисанинг кино карьераси 70 йилларда бошланган, шу билан бирга театрда иш бошлаган. Дикель 1975 йилда “Ваъда қилинган ер” фильмининг чиқиши билан машҳурликка эришди. 10 йилдан сўнг актриса бир вақтлар машҳур “Альтернативлар-4” сериалида қайд этилди. 2003 йилдан 2022 йилгача у “Умумий” сериалида бош қаҳрамон ролини ўйнаган. Дикель оилали ва 2 қизи бор.
Бернард Ладиш
“Табиб” фильмида тегирмончи Прокоп ролини ижро этган Бернард Ледиш нафақат актёр, балки ўзига хос бас-баритон овозига эга опера хонандаси сифатида ҳам танилган. У бир неча бор халқаро опера фестивалларида қатнашган ва ҳатто, бир марта Мария Каллас билан бирга куйлаган. Кино оламида эса, 1965 йилдан 2001 йилгача бўлган давр унинг фаолияти даври эди: актёр 12 та фильмда рол ўйнаган. “Табиб”дан ташқари улардан энг машҳурлари “Қўғирчоқ” (1968), “Оқ пардалар” (1965) ва “Узук ва атиргул” (1987). Бернард Ладиш 2020 йилда 98 ёшида вафот этган эди.
Артур Барчиш
Артур Барчиш “Табиб”да Прокопнинг ўғли Васил қиёфасида пайдо бўлади. 70 йилларнинг охиридан бошлаб актёр театрда фильмлар, телекўрсатув ва спектаклларда анча фаол. У драматик ва комедик роллари учун томошабинлар олқишига сазовор бўлди. 2006 йилдан 2016 йилгача Барчиш “Ранчо” комедия сериалида мафтункор невротик ролини ижро этган. Актёр уйланган, унинг изидан бориб, ота касбини танлаган ўғли бор ва ёш актёр аллақачон бир нечта фильмларда рол ўйнаб улгурди.
Анжей Копичиньски
“Табиб” фильмида Анжей Копичиньски шифокор Павлиски сифатида пайдо бўлди. Унинг кинодаги карьераси 1950 йилларнинг охирида бошланган. Бутун ижодий ҳаёти давомида у элликдан ортиқ кинода ўйнаган. Копичиньски ҳақида гап кетганда унинг энг машҳур фильмларини эсга олинади. 1973 йилда суратга олинган “Коперник” фильми шулардан биридир. Актёр тўрт марта уйланди. У охирги хотини билан 2016 йилгача — аёлининг вафотига қадар бирга яшаган.
Изоҳ (0)