Охирги марта ракета учирганидан қарийб бир ой ўтиб Шимолий Корея яна узоқ масофали баллистик ракетани синовдан ўтказди. Бу ҳақда 12 июль куни Жанубий Корея Қуролли кучлари штаб бошлиқлари қўмитаси маълумотларига таяниб, Reuters агентлиги хабар берди. Синов ҳақидаги маълумотни япон ҳарбийлари тасдиқлади.
Парвоз масофаси 1 000 километрни ташкил этган, ракета уни 74 дақиқада босиб ўтган. Бу Шимолий Корея учирган ракеталар тарихидаги энг узоқ парвоздир, деб хабар берди TV Asahi Япония мудофаа вазирлигига таяниб. Ракета Япониянинг эксклюзив иқтисодий зонасидан ташқарига, денгизга қўллаган, дейилади NHK хабарида.
Бу КХДРнинг 2023 йилдаги ўн иккинчи ракета синови бўлди. Шимолий Корея бу йил биринчи марта қаттиқ ёқилғи билан ишлайдиган қитъалараро баллистик ракетани учирди. Пхеньяннинг айғоқчи сунъий йўлдошни коинотга учиришга уриниши муваффақиятсиз якунланди. Шу билан бирга, БМТ Хавфсизлик Кенгаши резолюциялари Шимолий Кореяга баллистик ракета технологиясидан фойдаланишни, жумладан сунъий йўлдошларни учиришни ҳам тақиқлайди.
КХДР ракетаси сабаб Жанубий Кореяда ҳаво тревогаси эълон қилинганди
31 май куни Жанубий Корея Бирлашган штаб бошлиқлари қўмитаси Шимолий Корея жанубга томон ракета учирганини маълум қилганди. Шу муносабат билан Сеулда ҳаво ҳужумидан огоҳлантириш эълон қилинди, Жанубий Корея пойтахти аҳолисидан эвакуацияга тайёр туриш ва биринчи навбатда “болалар ва қарияларни хавфсиз жойларга етказиш” сўралган. Бир оз вақт ўтгач, мамлакат Ички ишлар вазирлиги шаҳар ҳокимияти томонидан юборилган огоҳлантириш “нотўғри ташкил этилган”ини билдирган.
Ўзбекистон Ташқи ишлар вазирлиги Шимолий Кореянинг ракета учирганига хавотир билдирди.
Изоҳ (0)