Россияда қийин аҳволда қолган ўзбекистонликларга ёрдам кўрсатилди ва улар ватанга қайтарилди. Бу ҳақда Ташқи меҳнат миграцияси агентлиги ахборот хизмати хабар берди.
Унга кўра, андижонлик ватандош О.Э. май ойида ишлаш мақсадида Санкт-Петербург шаҳрига боради. Бироқ бахтсиз ҳодиса сабабли О.Э.нинг чап оёқ суяги синган ва тез тиббий ёрдам машинасида шаҳар “Покровск” шифохонасининг травматология бўлимига жойлаштирилган. Унинг чап оёқ амалиёти жарроҳлигини ўтказиш ва тиббиёт хизматлари тўлаб берилди, бир оз аҳволи яхшилангач, Санкт-Петербург —Тошкент йўналишидаги авиарейс чиптаси олиб берилиб, ватанга қайтарилди.
Шунингдек, оғир молиявий аҳволга тушиб қолган самарқандлик Ш.Н. Санкт-Петербург—Тошкент йўналишидаги авиарейс орқали ватанга қайтарилди.
Изоҳ (0)