АҚШ президенти Жо Байден мамлакатдаги кимёвий қурол захиралари тўлиқ йўқ қилинганини маълум қилди. Унинг баёноти 7 июль, жума куни Оқ уйнинг расмий сайтида чоп этилган.
Мамлакатдаги кимёвий қурол захираларини йўқ қилиш жараёни 30 йилдан ортиқ давом этди, деб таъкидлайди Вашингтон. Байден Кимёвий қуролларни тақиқлаш ташкилотини (OPCW) қўллаб-қувватлашга ваъда берди ва бошқаларни ҳам Оммавий қирғин қуролларини тақиқлаш бўйича конвенция га қўшилишга чақирди.
Шу билан бирга, АҚШ президенти Россия ва Сурияни конвенция ни бузганликда айблаб, бу давлатлар унга риоя қилишга қайтиши кераклигини айтди.
OPCW Вашингтоннинг баёнотини тасдиқлади
Ўз навбатида, OPCW АҚШни кимёвий қуролга эга охирги давлат бўлган, деб ҳисоблайди. Ташкилот ушбу турдаги қуролларнинг АҚШда йўқ қилинганини тасдиқлаб, бу “барча кимёвий қуролларни бутунлай йўқ қилиш мақсадига эришиш йўлидаги муҳим қадам” эканини таъкидлади. Кимёвий қуроллар бўйича конвенция га ҳали қўшилмаган тўртта давлат бор. Бундан ташқари, “илгари ташланган ва эски кимёвий қуролларни” йўқ қилиш керак, деб таъкидлади ташкилот.
Изоҳ (0)