AQSH prezidenti Jo Bayden mamlakatdagi kimyoviy qurol zaxiralari to‘liq yo‘q qilinganini ma’lum qildi. Uning bayonoti 7-iyul, juma kuni Oq uyning rasmiy saytida chop etilgan.
Mamlakatdagi kimyoviy qurol zaxiralarini yo‘q qilish jarayoni 30 yildan ortiq davom etdi, deb ta’kidlaydi Vashington. Bayden Kimyoviy qurollarni taqiqlash tashkilotini (OPCW) qo‘llab-quvvatlashga va’da berdi va boshqalarni ham Ommaviy qirg‘in qurollarini taqiqlash bo‘yicha konvensiyaga qo‘shilishga chaqirdi.
Shu bilan birga, AQSH prezidenti Rossiya va Suriyani konvensiyani buzganlikda ayblab, bu davlatlar unga rioya qilishga qaytishi kerakligini aytdi.
OPCW Vashingtonning bayonotini tasdiqladi
O‘z navbatida, OPCW AQSHni kimyoviy qurolga ega oxirgi davlat bo‘lgan, deb hisoblaydi. Tashkilot ushbu turdagi qurollarning AQSHda yo‘q qilinganini tasdiqlab, bu “barcha kimyoviy qurollarni butunlay yo‘q qilish maqsadiga erishish yo‘lidagi muhim qadam” ekanini ta’kidladi. Kimyoviy qurollar bo‘yicha konvensiyaga hali qo‘shilmagan to‘rtta davlat bor. Bundan tashqari, “ilgari tashlangan va eski kimyoviy qurollarni” yo‘q qilish kerak, deb ta’kidladi tashkilot.
Izoh (0)