Помпейда археологлар яқинда топилган фрескани ўрганиш чоғида унда пиццага ўхшаш таом тасвирини топди. Бу ҳақда BBC хабар берди.
“2000 йиллик фрескада тасвирланган ясси нон замонавий таомнинг узоқ аждоди бўлиши мумкин”, — дейди Италия маданият вазирлиги.
Лекин техник жиҳатдан пицца деб ҳисоблаш учун унда классик ингредиентлар етишмайди. Фреска Италия жанубидаги участкада яқинда олиб борилган қазиш ишлари пайтида новвойхона ёнидаги уйнинг залида топилган.
Фрескада Помпейда тез-тез учрайдиган натюрморт тасвирланган: кумуш патнисдаги шароб қадаҳи, анор ва хурмо кўринишидаги мевалар ва нон.
Помпей директори Габриэль Зучтриэгелнинг айтишича, бу “тежамкор ва оддий таом” ҳамда “кумуш товоқлар ҳашамати” ўртасидаги контрастни кўрсатади.
“Бу борада Италиянинг жанубида 'камбағал' таом сифатида вужудга келган, ҳозирда дунёни забт этган ва юлдузли ресторанларда ҳам бериладиган пицца ҳақида қандай қилиб ўйламаслик мумкин”, — дейди у.
Маданият вазирлиги баёнотига кўра, сўнгги ҳафталарда уйдаги печ ёнида уч кишининг скелетлари ҳам топилган.
Милоддан аввалги 79 йилда Везувий вулқони отилиши Помпейни кулга кўмиб, шаҳар ва унинг аҳолисини музлатиб қўйган. Бу жой 16-асрда кашф этилганидан бери археологлар учун бой манба бўлиб келган.
Археологик ҳудуд Юнеско томонидан ҳимояланган италян пиццасининг замонавий уйи ҳисобланган Неапол шаҳридан атиги 23 километр узоқликда жойлашган.
Изоҳ (0)