Россия босқини бошланганидан бери ва бугунги кунга қадар 2526 нафар Украина фуқароси асирликдан қайтарилди. Бу ҳақда Украина президенти Владимир Зеленский маълумот берди.
![](/static/2023/zulfiya/photo_2023-06-12_19-21-53.jpg)
Хусусан, 11 июнь куни яна 95 нафар украиналик ҳарбий ватанига қайтишга муваффақ бўлди.
“Одамларимизни ҳар сафар Россия асирлигидан қайтарганимизда, асосий мақсадни эслаймиз: украинага тегишли инсонларни ва нарсаларни душманга қолдирмаймиз. Кеча яна 95 нафар йигитимизни, аскарларимизни асирликдан қайтардик. Умуман олганда, ўтган йилнинг 24 февралидан бери 2526 нафар украиналик асирликдан қайтарилди”, — деди Зеленский.
У асирлар алмашинуви билан шуғулланувчи бутун жамоага миннатдорлик билдирди.
“Биз ҳаммани эслаймиз, ҳар бир ҳарбийни излаяпмиз, ҳаммани қайтаришимиз керак ва бунга эришамиз”, — таъкидлади Зеленский.