Америкалик хонанда Бейонсе Лондондаги концерти вақтида мухлисига қуёшдан ҳимоя қилувчи кўзойнак совға қилди. Бу ҳақда New York Post хабар берди.
Хабарда айтилишича, хонанда Дива қўшиғини куйлаётган вақтида ўзининг кўзойнагини мухлисларига қарата улоқтирган. Кўзойнакни 20 ёшли режиссёр ва кастинг-менежер Глобал Валентино илиб олган. Шу пайтда Бейонсенинг тан соқчиси мухлисга яқинлашиб, унинг қўлидан қимматбаҳо совғани олиб қўйган. Бироқ Бейонсенинг бундан жаҳли чиққан ҳамда бир оздан сўнг у яна кўзойнагини мухлисларига қаратиб отган. Кўзойнак яна ўша мухлиснинг қўлига тушган.
Маълум бўлишича, ушбу аксессуар Оff-White брендига тегишли бўлиб, унинг нархи 53 минг долларни ташкил этади. Мухлиснинг айтишича, кўзойнакнинг чап линзасига бир оз шикаст етган. У кўзойнакни созлатгани ҳамда эндиликда уни буюк хазина сифатида асраб-авайлашини айтиб ўтган.