Сирдарё вилояти Мирзаобод туманида ҳаракатланиб кетаётган автобус ёниб кетди. Бу ҳақда вилоят ФВБ ахборот хизмати хабар берди.
Унга кўра, ҳолат 27 май куни соат 17:45 да Мирзаобод тумани ҳудудидаги Гулистон-Гагарин йўналиши 4-Р 18 А-373 йўлининг 10-километрида содир бўлган. Ёнғиндан автобуснинг двигатель ва салон қисми ёнган. Ҳодиса жойига 2 та ёнғин-қутқарув экипажлари соат 17:52 да етиб бориб, соат 18:02 да тўлиқ ўчирилган.
Ёнғин натижасида инсонларнинг тан жароҳати олиши ва ҳалок бўлиш ҳолатлари кузатилмаган. Ёнғин автомобилдаги электр симларининг қисқа туташуви натижасида содир бўлган. Ҳозирда моддий зарар миқдори аниқланмоқда.
Изоҳ (0)