Ижтимоий тармоқларда Бухорода қурилиши бошланаётган атрофи ўраб олинган майдонда дарахтлар кесиб ташлангани акс этган расм тарқалди. Табиат ресурслари вазирлиги Бухоро вилояти бошқармаси томонидан ҳолат юзасидан ўрганиш ишлари олиб борилди.
Ўрганиш давомида "Придастгир" жоме масжиди ҳудудида таҳоратхона қурилиши ишлари олиб борилаётгани туфайли қурилиш остига тушган ер майдонидан 8 дона мевали ҳамда 1 дона манзарали дарахт кесилгани аниқланган.
Ушбу ҳолат юзасидан масжиднинг маъсул ходимига нисбатан Маъмурий жавобгарлик тўғрисидаги кодекснинг 79-моддаси 1-қисми билан баённома расмийлаштирилиб, 1 миллион 650 минг сўм жарима ҳамда табиатга етказилган зарар 8 миллион 580 минг сўм ҳисобланган.
Масжид бош имомига кесилган дарахтлар ўрнига Ўзбекистон иқлим шароитига мос манзарали дарахт кўчатларини экиш ва парвариш қилиш мажбурияти юклатилган.
Изоҳ (0)