Европа тикланиш ва тараққиёт банкининг (ЕТТБ) Самарқандда бўлиб ўтаётган йиғилиши доирасида электрон тижорат ва молиявий технологиялар экотизими ҳисобланмиш Узум компаниялар гуруҳи таркибига кирувчи Ўзбекистоннинг энг йирик хусусий тижорат банки, “Kapitalbank” АТБ, ОDDО BHF француз-немис молиявий гуруҳи билан биргаликда экспорт-кредит агентликлари (ЭКА) қўл остида экспорт операцияларини молиялаштириш тўғрисидаги бош битимни имзоланди.
“Kapitalbank” АТБ ва ОDDО BHF ҳамкорлиги экспорт қилувчи компанияларга ташқи савдо операцияларини молиялаштириш кафолатларини олиш имконини беради, бу эса маҳаллий ишлаб чиқарувчиларнинг жаҳон бозорига чиқиш имкониятларини сезиларли даражада оширади.
- Ўзбекистон корхоналари маҳсулотларини ташқи бозорларга экспорт қилиш ҳажмини ошириш мамлакат иқтисодиёти барқарор ўсишининг муҳим шартларидан бири деб ҳисоблаймиз. Kapitalbank” АТБнинг ОDDО BHF гуруҳи ўртасида йўлга қўйилган келишув асосида молиялаштиришни жалб қилишнинг янги имкониятлари иқтисодий фаолиятни диверсификация қилиш ва иқтисодиётнинг энг истиқболли тармоқларига инвестицияларни жалб қилиш замонавий молиявий инфратузилмани шакллантиришга ёрдам беради, - дея таъкидлайди “Kapitalbank” АТБ бошқаруви раиси Кирилл Майевский.
Изоҳ (0)