АТБ “Универсал банк”нинг жисмоний шахслар учун “Фаровон 15” номли муддатли омонатини хорижий валюта - АҚШ долларида нақд ва жисмоний шахсларнинг АТБ “Универсал банк” тизимидаги омонат ҳисобрақамларидаги маблағларни қайта расмийлаштириш орқали очиш мумкин. Дастлабки омонат миқдори 500 АҚШ долларидан бошланади.
Омонат 15 ой муддатга очилади. Йиллик фоиз ставкаси – 6,5 фоиз. Фоизлар ҳар ойда тўланади. Капитализация мавжуд эмас. Омонат муддатидан олдин тўлиқ талаб қилиб олинган тақдирда омонатга фоизлар тўланмайди, аввал тўлаб берилган фоизлар суммаси қайта ҳисоб-китоб қилиниб омонат суммасидан чегириб қолинади.
Эътиборлиси, бугунги кунда банклар таклиф этаётган ўртача йиллик ставка 4−5 фоизни ташкил этишини ҳисобга олсак, АТБ “Универсал банк”нинг “Фаровон 15” номли муддатли омонати банк хизматлари бозоридаги энг юқори фоизли таклифлардан бири ҳисобланади.
Алоҳида таъкидлаш лозимки, жойлаштирилган омонатларнинг сир тутилиши банк томонидан доимий равишда назорат қилиб борилади. Омонатлар “Фуқароларнинг банклардаги омонатларини ҳимоялаш кафолатлари тўғрисида”ги қонун томонидан ҳимояланган. Омонат бўйича олинадиган даромадлар барча турдаги солиқлардан озод қилинган ва уларнинг тўлиқ ҳажмда қайтарилиши “Фуқароларнинг банклардаги омонатларини кафолатлаш фонди” томонидан кафолатланган. Омонатлар бўйича операциялар банк сири сифатида таснифланиб, унга қатъий риоя қилиниши устидан тегишли назорат ўрнатилган.
Омонатларга қўйилган маблағлар белгиланган муддатларда омонатчининг биринчи талаби билан қайтариб берилади.
Бугунги кунда АТБ “Универсал банк” жисмоний шахслар учун миллий ва хорижий валютада жами 7 турдаги фойдали муддатли омонатларни таклиф этмоқда. Омонат турлари ва шартлари билан АТБ “Универсал банк” расмий сайтининг “Омонатлар” саҳифаси орқали танишиб чиқишингиз мумкин
Маълумот учун: “Универсал банк” акциядорлик-тижорат банкига 2001 йилда асос солинган. АТБ “Универсал банк” банк операцияларининг асосий турларини, шу жумладан хусусий ва корпоратив мижозларга хизмат кўрсатиш, инвестиция банклари, халқаро пул ўтказмалари, шунингдек, консалтинг ва ахборот хизматларини тақдим этади. Ривожланган банк технологияларидан фойдаланиш, мослашувчан тарифлар, мижозлар бизнесининг ўзига хос хусусиятларига индивидуал ёндашиш банкнинг молиявий кўрсаткичларининг жадал ўсиши ва банкни янада муваффақиятли бўлишига имкон беради. Банк бугунги кунда ривожланишнинг янги босқичида бўлиб, бу хизмат турларини кенгайтириш, бозорнинг талабларига мувофиқ янги замонавий банк маҳсулотларини ишлаб чиқиш ва мижозларга хизмат кўрсатишни яхшилашни ўз ичига олади.
Батафсил маълумотларни қуйидаги телефон рақами орқали олишингиз мумкин:
1355; +998 (71) 200−11−10
Сайт: universalbank.uz
Реклама ҳуқуқи асосида.
Изоҳ (0)