Тошкент вилоятидаги “Ғишткўприк” чегара божхона постида фил тиши ва буғу шохларини олиб кирмоқчи бўлган шахс тўхтатиб қолинди.
Вилоят божхона бошқармаси матбуот хизматининг маълум қилишича, ушбу чегара божхона пости орқали ҳаракатланиб, хориж давлатидан кириб келган фуқаро бошқарувидаги Cobalt божхона кўригидан ўтказилган. Натижада машина ўриндиғи остига яширинча жойланган 1 дона Африка фили тиши ва 180 дона буғу шохлари борлиги аниқланган.
Умумий қиймати 32 миллион сўмлик буғу шохлари ва 1 дона фил тиши бўйича ҳеч қандай ҳужжатлар бўлмаган йўловчи божхона декларациясида кўрсатилмаган.
Маълумот учун, филнинг барча турлари ва унинг тана аъзолари Халқаро табиатни муҳофаза қилиш иттифоқининг Қизил рўйхатига киритилган.
Ҳозирда ҳолат юзасидан текширув ҳаракатлари олиб борилмоқда.