Хитой раиси Си Цзиньпин Ўзбекистон президенти Шавкат Мирзиёевни Наврўз билан табриклади. Си Цзиньпиннинг мактубида президентнинг Хитойга давлат ташрифи режалаштирилаётгани ҳам айтилган.
“Ўзбекистоннинг миллий байрами – Наврўз айёми билан Хитой ҳукумати ва халқи ҳамда шахсан ўз номимдан Сизни ва Ўзбекистон халқини чин қалбимдан муборакбод этишдан ғоят мамнунман”, — деб ёзади Си Цзиньпин.
“Мен Хитой – Ўзбекистон муносабатларини ривожлантиришга катта эътибор қаратаман. Сизнинг жорий йил май ойига режалаштирилган илк “Хитой – Марказий Осиё” саммитида иштирок этишингизни ва Хитойга давлат ташрифингизни кутиб қоламан”, — дейилади Си Цзиньпиннинг мактубида.
ХХР етакчиси Ўзбекистон президенти билан биргаликда Хитой – Марказий Осиё муносабатлари истиқболлари ҳамда мамлакатларнинг икки томонлама ҳамкорлигига оид катта режаларини муҳокама этиши Ўзбекистон-Хитой ҳамкорлигини янада юқори даражага кўтаришига ишонч билдирган.
“Фурсатдан фойдаланиб, Сиз Жаноби Олийларига мустаҳкам соғлик-саломатлик, масъулиятли фаолиятингизда улкан зафарлар тилайман. Дўст Ўзбекистон халқига бахт ва фаровонлик ҳамиша ёр бўлсин!” — дея якунланган Си Цзиньпин.
Изоҳ (0)